SOS – need a help

ივნისის დასაწყისია და ყველა ონგოუინგი სერიალი დასრულდა, რასაც მე ვუყურებდი, ალბათ დაახლოებით ათი მაინც. ჰოდა შემოდგომამდე დავემშვიდობე ჩემს საყვარელ სერიალებს და შევუდექი ახლების ძებნას.

სანამ ახალი სერიების ბუმი დაიწყება, მოწყენილობის ჟამი დამიდგა. ახლახანს მოვრჩი სუპერნატურალის ფინალს, გლის, გოსიფ გერლს, სმოლვილის ორსაათიანი ფინალი დამრჩა სანახავი. ჩემი ტექსტ დოკუმენტის უზარმაზარი სიიდან ყველა მიმავალი სერიალი წაიშალა ფემილი გაის გარდა, ბოლო სერიას ველოდები.

წუხელ მოვრჩი უსაყვარლეს how I met your mother–ის მეექვსე სეზონს და დავემშვიდობე ასევე სექტემბრამდე და თავს კარგად ვერ ვგრძნობ, ნოსტალგია მაქვს 🙂 ერთი ერიკ მაკორმაკზე მიკვირდა უილ და გრეისში, ნატურალი კაცი 8 სეზონი გეის როლს ბრწყინვალედ ასრულებდა და მეორე ნეილ პატრიკის მიკვირს, გეი ნატურალის და თან როგორი მექალთანე ნატურალის როლს როგორ გენიალურად, არა, ლეგენდარულად ასრულებს.

ასე რომ ვეძებ რაღაც ახალს, დასრულებულს, ბევრი სეზონებით, რომელიც ზაფხულში გამართობს და დროს გამაყვანინებს, მაგრამ ძებნისას აღმოვაჩინე, რომ უამრავი, ძალიან ბევრი სერიალი მქონია ნანახი.

ესეც ჩემი მოკრძალებული სია, და რამე საჩემო თუ გამომრჩა ძალიან გთხოვთ მირჩიეთ, თორემ ცოტა ხანში ტელევიზორთან და ბრაზილიურ სერიალებთან გადავინაცვლებ 🙂

ჰოდა ასე:


Continue reading

ევროვიზია 2011 – პირველი ნახევარფინალი – მიმოხილვა

ჰოდა მე დავბრუნდი და ეს ორი დღე ლამის გავგიჟდი უინტერნეტოდ. დღეს ორი მხიარული ბიჭი მოვიდა და ჩამირთეს ინტერნეტი.

რა თქმა უნდა გული არ გამიძლებს ევროვიზიას არ შევეხო, ეს ერთადერთი მუსიკალური კონკურსია, რომელსაც არასდროს არ ვტოვებ, მიუხედავად იმისა რომ აქ პოლიტიკაა ჩარეული და ბლა ბლა ბლა მაინც ძალიან მიყვარს.

თანაც სხვა წლებისგან განსხვავებით აქ კარგად ვიცნობ კონკურსანტებს და მათ სიმღერებს,  ჩემი ფავორიტებიც მყავს საქართველოს გარდა რა თქმა უნდა.

გახდა 11 საათი, რომელსაც მოუთმენლად ველოდებოდი და მე და ლიკა შევუდექით ყურებას სინქრონული რეჟიმით ტელეფონზე, მარწყვის ნაყინის თანხლებით.

დავიწყოთ იმით, რომ დარბაზმა და სცენამ ყოველგვარ მოლოდინს გადააჭარბა. მილიონობით ევროს ახარჯავენ ევროვიზიის სცენის მოწყობას, მაგრამ გერმანიამ საოცრება გააკეთა.

რაც შეეხებათ მონაწილეებს… უნდა ითქვას რომ საკამოდ სუსტი ჯგუფი იყო, ჩემი ფავორიტების უმეტესობა მეორე ნახევარფინალში მოხვდა. უმეტესობა არ ვარგოდა, უმელოდიო, უაზრო სიმღერები – სან მარინო, მალტა, პოლონეთი, ალბანეთი, ხორვატია – არაფრად ვარგოდა, შესაბამისად ვერც მოხვდნენ ფინალში.

სომხეთს საშინელი დეტონაციები ჰქონდა, ხმა ცუდად ისმოდა, სიმღერაც ძალიან ზედაპირული და მარტივი. თურქეთისგან მეტ ველოდი, ცუდი არ იყო, მაგრამ არც გადასარევი, არადა როგორც წესი კარგ კონკურსანტს უშვებენ ძირითადად როკის ჟანრში.

აზერბაიჯანმა იმედები გამიცრუა, ჩანაწერში სიმღერა ცუდად არ ჟღერს, მაგრამ ლაივში ცუდად ისმოდა. თანაც ამ გოგოს დაყენებული მანერები მაღიზიანებდა.

რუსეთის ვერც თავი გავიგე ვერც ბოლო, რაღაც თინეიჯერული სიმღერა იყო. ნორვეგია თავისი ცნობილი ჰაბა ჰაბა–თი, რომელიც რატომღაც მეგონა გავიდოდა, მაგრამ დარჩა გაღიმებული.

ახლა შედარებით ძლიერ კონკურსანტებს რაც შეეხებათ – უნგრეთი, რომელსაც გამარჯვებასაც უწინასწარმეტყველებენ, სულ რომ არ ემღერა ისეთი შოუ დაუდგეს, თვალები დამიბრმავდა, ლუჯრი შუქებით და საოცარი ეფექტებით, თუმცა უნდა ვაღიარო არ არის ცუდი სიმღერა და ქალიც კარგად მღერის.

ყველას მოეწონა ლიტვა ჩემს გარდა. გოგო კარგად მღერის, მაგრამ ზედმეტად მოსაწყენი ბალადაა, ჩამეძინა, მელოდიაც ვერ დავიმახსოვრე.

საყვარელი ისლანდიელი კაცები, რომლებიც გარდაცვლილი მეგობრის საპატივცემულოდ გამოდიან, კარგი სიმღერით, მაგრამ ასევე ცოტა მოსაწყენი, თუმცა გული არ დამწყვეტია, ფინალში რომ მოხვდნენ, იმსახურებდნენ.

სერბეთს არაფრით არ ველოდი ფინალში, ჭრელ კაბაში ჩაცმული ქერა გოგო უაზრო სიმღერით, რომლის მელოდიაც ასევე ვერ დავიმახსოვრე.

ჰო, ახლა ჩემი ორი ფავორიტი – ფინეთი და საბერძნეთი.

საბერძნეთის წარმომადგენელი, ლუკას იორკასი და სტერეო მაიკი უცნაური მიქსით, რომელიც ძალიან ბევრს არ მოეწონა და საერთოდ ისეთი სიმღერაა, ან უნდა მოგეწონოს, ან შეგზიზღდეს და მე ძალიან მომეწონა.

ლუკა ბერძნული იქს–ფაქტორის გამარჯვებულია, დედაჩემი ხშირად მიყვება ხოლმე, ის აქ არც ერთ კონკურს არ ტოვებს. ძალიან ნიჭიერი და კარგი ვოკალის მქონე, თავმდაბალი და მორიდებული ბიჭი.

სიმღერა ბერძნულ–ინგლისურია, თავიდან სტერეო მაიკი რეპავს და მერე ლუკა აგრძელებს პატრიოტული სულისკვეთების სიმღერით, თითქოს ძალიან შეუსაბამოა, მაგრამ კარგად ერთდება, ყოველ შემთხვევაში მე ძალიან მომეწონა. ლუკას ხმა კარგად ისმოდა, სხვებისგან განსხვავებით.

ფინეთის საყვარელი პერედაიზ ოსკარი, რომელიც პლანეტის გადარჩენაზე მღერის, საყვარელი და წყნარი სიმღერა, ოსკარი მარტო ასრულებს ამ სიმღერას, ყოველგვარი ბექ ვოკალების და შოუს გარეშე, ვარსკვლავების ფონზე.

და ბოლოს ყველაზე მთავარი და მნიშვნელოვანი საქართველო…

უნდა ითქვას, რომ სასიამოვნოდ დავრჩი გაოცებული, მე–9 ნომრად გამოვიდა ელდრაინი და წინა კონკურსანტებს ათასჯერ სჯობდა, ყველაფერი თავის ადგილზე იყო, ხმა, ინსტუმენტები, გაფორმება.

სოფოს კაბას ბევრი უარყოფითი შეფასება მოყვა, ადარებდნენ უცხოპლანეტელს, მორტალ კომბატს, ლედი გაგას, სიმართლე ითქვას არც მე მომეწონა კაბა, უკეთესი შეიძლებოდა, არც ცოტა წვეტიანმა ჩექმებმა მომხიბლა, მაგრამ ბიჭებს მოუხდათ მწვანე და შავის ნაზავი. კიდევ კარგი, ერთხელ მაინც ვნახე ქართული ჯგუფი, მიუხედავად იმისა რა ჟანრს მღეროდნენ, რომ ჭრელი საროჩკები და ნაკეციანი შარვლები არ ეცვათ, მადლობა ღმერთს!

მომეწონა გიტარისტის მეიქაფი და ვარცხნილობა 🙂 ნუ პრინციპში შუა ნაწილის რეპსაც არა უშავდა, აიტანა სიმღერამ, გიტარისტის რამდენიმე ჩახავლებაც მესიამოვნა, კარგად ჩაჯდა.

სოფოს რაც შეეხება, სტარ აკადემიდან მოყოლებული რატომღაც გულზე არ მეხატება ეგ გოგო, მაგრამ ვაღიარებ რომ ყველაფერი გააკეთა რაც შეეძლო და ბოლომდე დაიხარჯა, ვოკალი ბევრად იყო გამოსწორებული ბოლო თვის მანძილზე, თორემ ვანოს შოუში რომ იმღერა, იქ სერიოზულად შემეშინდა.

და კიდევ სულ მეშინოდა რეპის ეპიზოდზე სიტყვები არ დავიწყებოდა გიტარისტს და იმდენი ვიმეორე არ დაგავიწყდეს არ დაგავიწყდეს –თქო სანამ ლიკამ არ მაგინა 🙂

მომეწონა ტყავის ელემენტები ბიჭების ტანსაცმელში , რა თქმა უნდა იტყოდნენ “ბიჭი რომ თვალებს შეიღებავს” და  მსგავს ქართულ სიბრძნეებს, მაგრამ ვაღიაროთ – რაც იყო კარგი იყო.

სიმღერა რომ ძალიან მომწონს ამას დიდი ხანია ვამბობ, მომწონდა თაკოს დროსაც და მომწონს ახლაც, ამ ჟანრის მიმართ გულგრილი ვერასდროს დავრCები, ალტერნატივა და პანკ–როკი ჩემი სისუსტეა. ვფიქრობ მეტის გაკეთება შეიძებოდა სცენაზე გაფორმების მხრივ, სხვებს აუფეთქეს სცენა და ცეცხლები და ფეიერვერკები უყარეს.

ესეც სურათები სცენიდან:

ესეც ნახევარფინალის ყველაზე კარგი ხარისხის ვიდეო რაც ვნახე:

ესეც შედეგები ეკრანზე, ჩანს მეხუთე ნომრად საქართველო.

დღევანდელ ნახევარფინალსაც მოუთმენლად ველოდები, დანია, რომელსაც ყველაზე მეტად ვგულშემატკივრობ საქართველოს მერე, დღეს გამოდის.

და საერთოდ რა მოითმენს ფინალამდე 🙂

საუკეთესო TV წყვილები

რაც არ უნდა განსხვავებული ჟანრის იყოს ტელეშოუ, რომანტიული ელემენტები ყველას გასდევს, სასიყვარულო ისტორია აუცილებლად ჩართულია. ათი წყვილი სერიალებიდან, რომლებსაც ფიზიკურის გარდა ემოციონალური ურთიერთობა ჰქონდათ ერთმანეთთან.

10. სმოლვილი – კლარკ კენტი და ლანა ლენგი

ყველაზე მრავალტანჯული წყვილი წყვილების ისტორიაში. ჯერ ისედაც სმოლვილი ათი სეზონია და კლარკმა ლანასთვის გრძნობების გამოტეხვას 5–6 სეზონი მოანდომა. ლიკას თქმის არ იყოს კომპლექსი დამიტოვა ამ სერიალმა უზომოდ გაწელილი  სიყვარულის. ყოველი სეზონის ბოლოს ლანა და კლარკი კლარკის სხვენში იდგნენ, სუპერმენი რა თქმა უნდა ვერაფერს ეუბნებოდა და ლანაც მიდიოდა.

სექსი – პირველი სექსი მეექვსე სეზონში ეღირსათ და ორივესთვის პირველი იყო. კლარკს ეშინოდა, რომ თავის ძალებს ვერ მოზომავდა და ლანას რამეს ავნებდა.

9. one tree hill ლუკასი და ბრუკი

სერიალში მთავარი წყვილი ლუკასი და პეიტონი იყვნენ, მაგრამ პირველად ბრუკთან ჰქონდა ლუკასს რომანი, მაგრამ გული მაინც ყოველთვის პეიტონისკენ მიუწევდა. ჰო, მათი რომანი ცხოვრებაშიც გადაიზარდა და ჩად მაიკლი და სოფია დაქორწინდნენ, მაგრამ მათი ქორწინება მცირე ხნიანი გამოდგა.

სექსი – ჰქონდათ პირველივე დღიდან, ყველგან და ყოველთვის.

8.  The O.C. სეტი და სამერი

სერიალში მთავარი წყვილი მარისა და რაიანი არიან, მაგრამ სეტის და სამერის  ურთიერთობა მაინც გამორჩეულია. დაბნეული და უიღბლო სეტი და სკოლის პოპულარული გოგო სამერი თავიდან ერთმანეთს ვერ იტანენ, მაგრამ მალე ეს ყველაფერი სიყვარულში გადაეზრდებათ. ჰოდა ადამი და რეიჩელი სინამდვილეშიც 2 წელი ხვდებოდნენ ერთმანეთს (ვერ უძლებს ეს ხალხი  ეკრანულ რომანებს)

სექსი – თავიდან ცოტა ყოყმანობენ, მაგრამ მერე სეტის ოთახში საათობით არიან ჩაკეტილები 🙂

7.  Chuck ჩაკი და სარა

ყველაზე ჯაშუშური წყვილი. სარა ნაციონალური უსაფრთხოების აგენტია, ჩაკი კი ძალიან დაბნეული და ლუზერი ბიჭი, რომელიც თავისი ყოფილი კოლეჯის მეგობრის იმეილს გახსნის და მის ტვინში ინტერსექტი, ანუ სახელმწიფოს ყველა საიდუმლო ჩაიტვირთება. სარას მისი დაცვა აქვს დავალებული და დაფარვის მიზნით მისი შეყვარებულის როლს ასრულებს, მაგრამ ჩაკს ის მართლა უყვარდება.

სექსი – ეღირდებათ მესამე სეზონში დიდი ტანჯვის და თავშეკავების მერე 🙂

6. legend of the seeker რიჩარდი და კეილინი

აქ სიყვარულის ტრაგიკულ ისტორიასთან გვაქვს საქმე. რიჩარდი მაძიებელია და უდიდესი მისია აკისრია, კეილინი კი confessor-ი (ამას ვერ ვთარგმნი) ანუ მას სექსი საყვარელ ადამიანთან არ შეუძლია, რადგან ამ დროს თავის დაფარულ ძალებს მისკენ მიმართავს და თავის მონად აქცევს ცხოვრების ბოლომდე. ისინი ჯადოქართან ერთად მოგზაურობენ, მაგრამ კოცნის იქით საქმე არ მიდის.

სექსი – არ აქვთ.

5.  gossip girl დენი და სერენა

რაღაც ვერ აღვიქვამ ამათ წყვილად, პრინციპში ახლა არც არიან ერთად, მეოთხე სეზონში, მაგრამ მთელს სერიალს მათი სიყვარულის ისტორია გასდევს 🙂 ჰოდა ისინი სინამდვილეშიც ხვდებიან ერთმანეთს. დენი – ღარიბი ბიჭი და სერენა – მდიდარი არისტოკრატი მანჰეტენიდან.

სექსი – გაცნობის დღიდან, უპრობლემოდ 🙂

4.  heroes საილერი და ელლე

ესეც საბედისწერო სიყვარულის ისტორია. საილერი, იგივე გაბრიელი ჯერ არ არის ბოლომდე გარკვეული თავის შესაძლებლობებში, როცა ნოა ბენეტი მასთან ელლეს შეგზავნის ფარული კამერით. გაბრიელი ენდობა მას და ყველა საიდუმლოს გაუმხელს, მაგრამ მოგვიანებით როცა ყველაფერს გაიგებს, ელლეს კლავს.

სექსი – აქვთ ხან სახლში, ხან სანაპიროზე 🙂

3.  true blood სუკი და ბილი

ვამპირის და ფერიას სიყვარულის ისტორია, არც ისე რომანტიული და შელამაზებული, მაგრამ საინტერესო. დღეს ანა და სტივენი ცოლ–ქმარი არიან.

სექსი – ბებიის სიკვდილის დამწუხრებული და განადგურებული სუკი თეთრი ღამის პერანგით სახლიდან გარბის და ბილთან მიდის. ბილი ამას გრძნობს და გარეთ გამოვარდება, მერე ხელში აჰყავს სუკი და სახლში ბუხართან მიეცემიან სიყვარულს 🙂 ჰო, სუკისთვის ეს პირველია.

2.  buffy the vampire slayer ბაფი და ენჯელი

ვამპირი ენჯელი და ვამპირებთან მებრძოლი ბაფი, თითქოს შეუთავსებელი წყვილია, მაგრამ ენჯელს სული აქვს სხვა ვამპირებისგან განსხვავებით და მათ ერთმანეთი შეუყვარდებათ. მართალია ენჯელი მესამე სეზონის მერე მიდის სერიალიდან, მაგრამ მეშვიდე სეზონამდე ბაფი იტანჯება მისი სიყვარულით 🙂

სექსი – ჰქონდათ ერთადერთხელ, რომლის შემდეგაც ანჯელმა სული დაკარგა და ბოროტ ვამპირად იქცა.

1.  buffy the vampire slayer ბაფი და სპაიკი

მიუხედავად იმისა, რომ ისინი არასდროს ყოფილან ნამდვილი წყვილი, მაინც ჩემი ფავორიტები არიან. ერთმანეთის მოსისხლე მტრები, რომლებიც მთელი სამი სეზონი ერთმანეთს მოსაკლავად დასდევდნენ, რატომღაც ეს სიძულვილი სიყავრულად გადაიზარდა. ბოროტი და მკვლელი ვამპირი სპაიკი მთლიანად იცვლება და ბაფის ეხმარება.

სექსი – პირველად ერთმანეთს სცემდნენ დანგრეულ სახლში, როცა ბაფიმ მოულოდნელად აკოცა და მერე ის სახლი უარესად დაანგრიეს 🙂 მეექვსე სეზონში ფაქტიურად სულ ამათი სექსი იყო და ბლუფერებში ყური მოვკარი სარა წუწუნებდა, რა ამბავია ამდენი სექსი ამ მეექვსე სეზონშიო 🙂 მაგრამ ბაფის სპაიკი არასდროს ჰყვარებია ისე, როგორც ანჯელი და მიუხედავად იმისა, რომ სერიალის ბოლოს სპაიკს ეუბნება მიყვარხარო, სპაიკი პასუხობს, რომ იცის ეს ასე არაა, მაგრამ მაინც მადლობელია ეს რომ უთხრა.

ყოფილი ქმრების კლუბი

გუშინ მე და ლიკა “ყოფილი ცოლების კლუბს” ვუყურებდით, პირველად ვნახე სხვათაშორის. ვინც არ იცით რაზეა, მოკლედ გეტყვით. მიყავთ სტუმრად ქმარს გაცილებული ქალი, რომელსაც ცხოვრებაზე ხელი აქვს ჩაქნეული და თავს აღარ უვლის, ია, სალომე და ნუკი აძლევენ რჩევებს, მერე ტანსაცმელს ყიდულობენ, სალონში მიჰყავთ და ალამაზებენ და ცხოვრების ხალისს უბრუნებენ. ჩვენ დაგვებადა ლოგიკური კითხვა – რატომ არ არიან ცოლებისგან დაჩაგრული კაცები, რომლებსაც ცხოვრება აღარ უნდათ?

მაშ ასე, ჩემი საყვარელი ჟანრის, აბსურდული კომედიის გამოყენებით მოდელირებული გადაცემა “ყოფილი ქმრების კლუბი”

წამყვანები იგივე, იმიტომ რომ კაცებს ქალის აზრი აინტერესებთ მათ დაჩაგვრასთან დაკავშირებით.

ია – მოგესალმებით, დღეს ჩვენს სტუდიაში ერთი ადამიანის ბედი სამუდამოდ შეიცვლება. ის ჩვენთან თავისი ისტორიის მოსაყოლად მოვიდა (ამ დროს მაია პლაგიატისთვის ურტამს თავში და მიდის)

ნუკი – ამ მამაკაცმა მძიმე ცხოვრება გადაიტანა, საუკეთესო წლები იმას შესწირა, ვინც ამას არ იმსახურებდა.

სალომე – ვნახოთ ვიდეო, რომელიც ლაშას ცხოვრების ისტორიას ასახავს.

(ვიდეო ეკრანზე ირთვება, წამყვანები კი პოპკორნს იმარაგებენ)

გამუქებულ კადრებში და სევდიანი მუსიკის ფონზე ჩანს ნახევრად დანგრეული სახლი. ლაშას ნატანჯი სახე აქვს და დახეული ტანსაცმელი აცვია. მოწყენილი სახით აკეთებს სუპს.

– 17 წლის ვიყავი, როცა მშობლებმა მზია გამირიგეს – ამბობს ლაშა კამერის წინ და თავის ხელებს დასჩერებია –  უარის თქმა ვერ გავბედე. იმ დღიდან დაიწყო ჩემი ტანჯვა.

(აჩვენებენ დადგმულ კადრებს, ვიღაც მსუქან კაცს როგორ ურტყამს ქალი და საწოლზე აგდებს)

– ჩემი გაკეთებული არაფერი არ მოსწონდა, სახლში დაქალები მოყავდა, რომ თვრებოდნენ, მცემდნენ – იცრემლება ლაშა – თან ქართულ საქეიფო სიმღერებს უსმენდნენ. ეს კოშმარი იყო.

(აჩვენებენ წამყვანები ამ ვიდეოს ყურების დროს როგორ ამბობენ “ნწ” “ნწ” “ნწ” და იქნევენ თავს)

– არა მარტო მზია, ჩემი სიდედრიც საშინლად მექცეოდა, თავის უზარმაზარ ღიპს მადებდა და მაშინებდა. ღამე ტუალეტში მკეტავდნენ და შუქს მიქრობდნენ. თან ტირილსაც მიკრძალავდნენ. არ ვიცი როგორ გადავიტანე…

ლაშა ცრემლებს დახეული და ჭუჭყიანი მაისურით იწმინდავს და სლუკუნებს.

– შარვლის ჩაცმას მიკრძალავდა, ამხელა კაცი ტრუსებით დავდიოდი ყველგან. რასაც ვმუშაობდი, სულ მზიასთან მომქონდა, ისიც მაშინვე ან ტანსაცმელს და ან დასალევს ყიდულობდა და მადლობასაც არ მეუბნებოდა. ბოლო წვეთი იყო ის, რომ მზიამ სახლში კაცები ამოიყვანა და ერთად დამცინოდნენ ყველანი. ეს ვეღარ გადავიტანე და გამოვიქეცი.

კადრი ლაშას სახლზე გადადის. ყველგან სიბინძურე და სიღარიბეა.

(ოპერატორი ანიშნებს, ჩავედით დაბლა, ქუჩაში სევდიანად მოსიარულე უნდა გადაგიღოო, და ჩადიან. ლაშას “ფერარი” იქვეა გაჩერებული. უი, ეს არ გადაიღოო, იმორცხვებს ლაშა)

კადრი სტუდიაში ბრუნდება.

ია– ვაიმე, ეს რა ნახა ჩემმა თვალებმა, საწყალი ბიჭი… ის ჩემს თვალში გმირია.

ნუკი – გოგოებო, მოდით ლაშა მოვიწვიოთ სტუდიაში.

საწყალი ლაშა მოლასლასებს, მშიერი და დასაბანია. გაჭირვებით ჯდება.

სალომე – ლაშა, შენ მართლაც ბევრი რამ გადაიტანე ცხოვრებაში, ტირან ქალთან ერთად ცხოვრობდი. გვითხარი, გინდა თუ არა ეს ყველაფერი უკან მოიტოვო? გინდა თუ არა სამუდამოდ დაივიწყო ცოლი და ახალი ცხოვრება დაიწყო? გინდა თუ არა გახდე ისევ ის ლაშა?

გმირული მუსიკა უკრავს. წამყვანები გაოცებულები უყურებენ ორკესტრს, რომლებიც დამნაშავე სახეებით მიტანტალდებიან კულისებში.

ია – მაშ ასე, ნახეთ ჩემი რეპორტაჟი.

ვიდეო – იას ლაშა მაღაზიაში მიჰყავს და  კაბებს ყიდულობს. მერე სალონში მიდიან და თმებს ვარდისფრად უღებავენ და იროკეზს უკეთებენ. გახარებული ლაშა შენელებული კადრებით ხტუნაობს და იას კოცნის.

ნუკი ლაშასთან მიდის და სთხოვს ცოლის რამე ნივთი მოძებნოს, რომ სიმბოლურად გაანადგურონ. ლაშას მზიას უზარმაზარი საცვალი მოაქვს.  ნუკი მისგან პარაშუტს აკეთებს და ფანჯრიდან ხტება.

ია – ესეც ასე მეგობრებო, აწი ლაშას დაჩაგვრას ვერავინ შეძლებს, სხვა თუ არაფერი გაყიდის თავის ფერარის. (ყურში რაღაცას ეუბნებიან) უი, ეს არ უნდა მეთქვა, არა უშავს, ნახვამდის  ძვირფასო მაყურებლებო.

ლაშა, სალომე, ნუკი და ია ჰაეროვნად იქნევენ ხელებს და კამერაც ნელ–ნელა ბუნდოვნდება.

ერთი დღე ინტერნეტის გარეშე

გუშინ დილით ჩემი ძველი ინტერნეტი გამოვრთეთ და ახალზე დავწერეთ განცხადება. ორ-სამ დღეში მოვალთო გვითხრეს და ჩემი პატარა და საყვარელი მოდემი წაიღეს. დავრჩი ინტერნეტის გარეშე.

რა უნდა აკეთო სახლში, თუ გარეთ გასვლა არ გინდა, ცივა და თოვს, შენი შეყვარებული დილიდან საღამომდე მუშაობს, ტელევიზორში არაფერია საინტერესო და ინტერნეტიც არ გაქვს?

კიდევ კარგი ერთი პოსტი ზაქარიზე წინასწარ მქონდა გამზადებული და სამი ფილმი წინაწარ გადმოწერილი, პლიუს 5-6 მიმდინარე სერიალების ახალი სერიები და ბიგ ფიშის თამაში, რომელსაც ვოლკსროუს გარეშე ვერ ვთამაშობ.

დღის განმავლობაში გამოვიზოგე ეს სამი კინო და სერიალები, ერთი-ორი საათი ლიკას ველაპარაკე ტელეფონით, ინტერნეტი იმასაც გამორთული აქვს და მოწყენილი იჯდა. ცოტა ახლოს მაინც ცხოვრობდეს, მეზარება ხოლმე ფეხით გასვლა, არადა ტრანსპორტი არ მიდის იქით ჩემი ქუჩიდან 😦

ჰოდა რას ვუყურე… ორი ფილმი კეიტისგან მოვიპარე 🙂 ჯერ ვანესას heartbreaker (2010), ფრანგული ფილმები არ მიყვარს, მაგრამ ეს მთლად ფრანგული არ იყო 🙂 შინაარსი ბანალური, მაგრამ ძალიან სასიამოვნოდ საყურებელი, ახალგაზრდა ბიჭს ფულს უხდიან იმაში, რომ შეყვარებული წყვილები ერთმანეთს დააშოროს, მაგრამ როცა ვანესაზე მიდგება საქმე, ეს ბიჭი თვითონ აღმოჩნდება შეყვარებული.

ვანესა აქ ძალიან მომეწონა თავისი საფირმო გაყოფილი კბილებით, ისე რამდენი ხანია ეს და ჯონი შეაბერდნენ ერთმანეთს, მიკვირს 🙂 არატრადიციული ჰოლივუდური ოჯახი.

მერე ცოტა ხანი შევისვენე, ფანჯრიდან გადავხედე გარემოს 🙂 ერთი მთვრალი კაცი ბალახებში ჩაწვა და გემრიელად მოიკალათა, მაგრამ მერე შეცივდა ალბათ, გაჭირვებით ადგა და წავიდა, თან თეთრი შარვალი ეცვა 🙂

მერე ისევ უინტერნეტო კომპიუტერს დავუბრუნდი და მეორე ფილმს, burlesque 2010-ს ვუყურე.

ახალგაზრდა და ამბიციური კრისტინა აგილერა ჩადის ლოს ანჯელესში წარმატების მისაღწევად და მიმტანად დაიწყებს მუშაობას ბარ ბურლესკში, რომლის მფლობელიც ქალბატონი შერია. ამ ბარის ვარსკვლავია კრისტენ ბელი (პირველად ვნახე სწერვა გოგოს როლში). მმმ, ჰოდა ამ ბარში სიმპათიური ბარმენია, რომელიც კრისტინას თავის ბინაში შესთავაზებს ცხოვრებას, რადგან მის ბინას გაძარცვავენ და უფულოდ დატოვებენ, ნუ რა თქმა უნდა მეგობრულად ვითომ, ამ ბიჭს საცოლე ჰყავს 🙂 ხოდა მიყვარს მე კემი:

შერის ბარის ყიდვა ბოროტ ერიკ დეინს უნდა, უუუსაყვარლესი კაცია, პლასტიკური ქირურგი გრეის ანატომიიდან, ძალიან მომწონს და ისიც პირველად ვნახე ბოროტ როლში, კრისტინას ეპრანჭება და ისეთ ფეხსაცმელს აჩუქებს სულ თვლებით მორთულს, გული თუ არ დამარტყამდა არ მეგონა.

მერე კემს და კრისტინას ერთმანეთი უყვარდებათ, კემი საცოლეს შორდება, მერე ეს გოგო დაადგება თავზე, glee-დან საყვარელი დიანა აგრონი, სულ ორწუთიანი როლი აქვს და ბოლოს ჰეფი ენდი, კრისტინა ვარსკვლავი გახდება და ბარსაც იხსნის. ესეც ასე.

და მესამე, ადამ ბროუდის ხათრით ვუყურე in the land of woman 2007

ადამს თავისი ცხოვრების სიყვარული დაშორდება და გულგატეხილი ჩადის ავადმყოფ ბებიათან საცხოვრებლად. პირველივე დღეს გაიცნობს მეზობელ ოჯახს – დედა, მეგ რაიანი, რომელსაც ქმარი არ უყვარს და მკერდის კიბო აქვს, და მისი შვილი თინეიჯერი კრისტენ სტიუარტი ქერა თმებში 🙂

თითქოს რომანი კრისტენსა და ადამს შორის რომ უნდა გაიბას, მეგი და ადამი უფრო გამონახავენ საერთო ენას. განსაკუთრებით კოცნის სცენამ შემძრა წვიმაში 🙂 რამდენჯერმე გადავახვიე 🙂

კარგი, მერე ისევ შესვენება გავაკეთე, ამასობაში გახდა 8 საათი, ცოტა კიწი ვაწვალე, მაგრამ გამექცა და დასაძინებლად წავიდა, 12-მდე დრო უნდა გამეყვანა როგორმე, მერე ოსკარები იწყებოდა. ვამპირის დღიურების ერთ სერიას და ფემილი გაის ორ სერიას ვუყურე. თან უიმედოდ შევცქეროდი მოტრიალე სკაიპის ნიშანს.

12-მდე დიდი ქართული შედევრი, მისტიკური ტრილერი, ფანტასტიკური დრამა, და უბრალოდ საოცარი ფილმი, ისეთი, რომ პირდაღებულს დაგტოვებდა – სეზონი გადიოდა და მეორედ შევავლე თვალი და დავტკბი საოცარი სცენარით და მსახიობების ვირტუოზობით. დიალოგები აქვს რაღაც სასწაული, გონებამახვილური ფრაზებით – “პროსტა არ იქცეოდა რააა სწორაად რააა” – გაწელილი ფრაზა, რომელიც ჩემი ფავორიტია. ბოლოსკენ ლიკამ დამირეკა და ერთად ვტკბებოდით უაზროდ გაწელილი ფინალით.

როგორც იქნა ჩვენი სკანდირების ფონზე “ჩაიხრჩე, ჩაიხრჩე” დამთავრდა კინოც და დაიწყე ჩვენი ოსკარები.

სამწუხაროდ შესავალი არ აჩვენეს წითელი ხალიჩის, პირდაპირ ცერემონია დაიწყო, პრინციპში როგორც ველოდებოდით, ყველაფერი გამართლდა, კრისტიანზეა შეყვარებული ბავშვობიდან და გაუხარდა ოსკარი რომ აიღო 🙂 სათამაშოების ისტორიაც გამიხარდა 🙂 სამ საათამდე გაჭირვებით გავძელით, როგორც იქნა დამთავრდა და გამოვრთე ტელევიზორი, მერე ჩემი უსიცოცხლო კომპიუტერი და დავწექი.

დღეს დილით მოვიდა საყვარელი კაცი და ჩაგვირთო ინტერნეტი და მე ძალიან ბედნიერი ვარ 🙂

რას ფიქრობს google search ცნობილ ვარსკვლავებზე

ქართულ გუგლში არ გვაქვს ეგ ბედნიერება, მაგრამ როცა google.com ში უწერ სასურველი ადამიანის სახელს და გვარს, თვითონ გიგდებს სხვადასხვა შემოთავაზებებს, ხოლო თუ ჩაწერე … … is აი მერე იწყება რაც იწყება.

ყველაზე ხშირად რა ზედსართავი სახელია მის მიმართ გამოყენებული ინტერნეტში, სწორედ ამას გვიჩვენებს ძვირფასი გუგლი.

ყველაზე სასაცილო ათეული (ფოტოშოპის დახმარებით ინგლისური ქართული ენით შევცვალე და ქართულად უფრო სასაცილო გამოვიდა)

9. lindsay lohan

სკანდალური ახალგაზრდა ვარსკვლავი, რომელიც ნარკოტიკების მოხმარებისთვის რამდენჯერმე იყო დაკავებული, ასე გამოიყურება გუგლის სერჩში:

8. tori spelling

ბევერლი ჰილზის მსახიობი, ძალიან არატრადიციული გარეგნობის მქონე ტორი. გუგლმა ის კარგ დღეში არ ჩააგდო 🙂

7. kristen stewart

ბინდის ვარსკვლავი კრისტენი, რომლზეც ფანები ყველაზე ხშირად ასე წერენ.

6. britney spears

პოპ პრინცესას ბევრი პრობლემები რომ ჰქონდა ვიცოდით, მაგრამ აქამდე თუ მივიდოდა საქმე არავის გვეგონა 🙂

5. sarah jessica parker

sex and the city-ს მსახიობი სარა ასევე არატრადიციული გარეგნობით:

4. lady gaga

ექსცენტრიული მომღერალი ლედი გაგა

3. justin bieber

როგორც ჩანს ხუმრობით გაშვებულ რეპორტაჟზე დიდი ამბები ატყდა:

2. robert pattinson

და თქვენ იცოდით, რომ რობერტი ნამდვილი ვამპირი იყო? 🙂

1. და ბოლოს როგორც ყველგან და ყოველთვის

zachary quinto

მიყვარს 😦

სუპერ ჯაშუში ჯაშუშთა შორის

ჩაკი ამერიკული სერიალია, რომლის გადაღებაც 2007 წელს დაიწყო და დღემდე გრძელდება.

მე, როგორც სერიალების დიდ მოყვარულს რატომღაც გამომრჩა ეს შოუ და რამდენიმე კვირის წინ შემთხვევით წავაწყდი. შინაარსის წაკითხვის შემდეგ გადავწყვიტე შანსი მიმეცა ჩაკისთვის და ვუყურე პირველ სერიას.

რა მოხდა მერე? მოხდა ის, რომ ოთხ სეზონს რამდენიმე დღეში ვუყურე. ვუყურებდი დღეში 7–8 სერიას.

რატომ?

ჩაკი ახალგაზრდა, კომპიუტერების ხელოსანი, არაფრით გამორჩეული ბიჭია. მუშაობს ელექტრო–ტექნიკის სუპერმარკეტში, “buy more”–ში თავის ბავშვობის მეგობარ მორგანთან ერთად. მისი ცხოვრება ძალიან მოსაწენად და ერთფეროვნად მიდის.

ერთ დღესაც ჩაკი გახსნის თავისი კოლეჯის მეგობრის, ბრაისის იმეილს. კომპიუტერის ეკრანზე უამრავი სურათი აციმციმდება და გულწასული ჩაკი დაბლა დაეცემა. გონზე მოსვლისას ის უცნაურ უნარს შენიშნავს. მან ტვინში სუპერ კომპიუტერი, ინტერსექტი ჩაიტვირთა, სადაც მთელი სახელმწიფო საიდუმლოებები და ინფორმაციაა შენახული.

ნაციონალური უსაფრთხოების დეპარტამენტი და ცენტრალური დაზვერვა ჩაკის დასაცავად ორ აგენტს გამოაგზავნის, რომლებმაც მას ყურადღება უნდა მიაქციონ და სპეციალურ დავალებებში დაიხმარონ.

როცა ჩაკი ხედავს ადამიანს ან რაიმე ნივთს, რომელიც ინტერსექტის ბაზაზეა დაფიქსირებული, აქვს ხილვა და მის შესახებ იგებს ყველაფერს, რაც აგენტებს ძალიან ეხმარებათ.

შინაარსი ჟღერს სერიოზულად, მაგრამ ერთი რამე გამომრჩა – ეს ყველაფერი არის ძალიან, ძალიან, ძალიან სასაცილო… ისე ხმამაღლა ვხარხარებდი ხოლმე, რომ ალბათ მეზობლებს ესმოდათ.

ჩაკის როლს ძალიან საყვარელი მსახიობი ზაქარი ლევი ასრულებს. (Zachary Levi) , ძირითადად კომედიური ჟანრის მსახიობი. სანამ მსახიობი გახდებოდა, ზაქარი მანქანების მრეცხავი იყო.

მისი აგენტი, ძალიან ლამაზი და სექსუალური, ქერათმიანი სარა უოკერი, რომლის როლსაც პოლონელი ივონე სტრახოვსკი ასრულებს (Yvonne Strahovski). ჩაკს ის ძალიან უყვარდება და არც სარაა გულგრილი, მაგრამ როგორ ყოველთვის რაღაც უშლით ხელს. სარა და ჩაკი ვითომ შეყვარებულები არიან სხვების დასანახად, მაგრამ სინამდვილეში ეს ასე არაა.

მეორე აგენტი (ჩემი ფავორიტი პერსონაჟი) პოლკოვნიკი ჯონ კეისი, სინამდვილეში ადამ ბოლდუინი (Adam Baldwin), ყველაზე ბოროტი და გულჩათხრობილი კაცი, თავიდან ჩაკს ვერ იტანს, მაგრამ ეს ყველაფერი ძალიან სასაცილოდ გამოსდის. ბოლო ძალიან მიეჩვევა თავის გუნდს. კეისი ჩაკთან ერთად იწყებს მუშაობას მაღაზიაში.

ჩაკის საუკეთესო მეგობარი დაბნეული და ბავშვობაში ჩარჩენილი მორგანია. მორგანი გიჟდება კომპიუტერულ თამაშებზე და მას წარმოდგენაც არ აქვს, რომ თავისი მეგობარი ჩაკი ჯაშუშია.

ასევე ჩაკის ოჯახი, და და მისი ბოიფრენდი დევონი, რომელსაც ჩაკი super owesomes ეძახის.

ბრაის ლარკინი, ვინც ეს იმეილი გამოუგზავნა, სუპერ ჯაშუში იყო, რომელიც შემდეგ სერიებშიც ჩანს. ის სარას ყოფილი ბოიფრენდია, რაც ართულებს სიტუაციას.

მაღაზიაში ორი სუპერ დებილი თანამშრომელი ჰყავთ, ძალიან სასაცილოები და შტერები.

თთქმის ყველა სერიაში ჰყავთ მოწვეული მსახიობი, ჰოლივუდის ძალიან ცნობილი სახეები.

საწყალმა ჩაკმა არც ბრძოლის ხელოვნება იცის და არც სროლის, როცა სარას შეუძლია ათი კაცი თავისუფლად მოიგერიოს, ის ყოველთვის თავისი აგენტების დასაცავია. მესამე სეზონის ბოლოს ის ინტერსექტის ახალ ვერსიას ჩაიტვირთავს და კუნგ ფუს აითვისებს.

სერიალი ძალიან მაღალი ხარისხის და ბიუჯეტისაა, თითო სერიაში თითო მანქანა და ვერტმფრენი მაინც ფეთქდება 🙂 ფერები ულამაზესია.  საინტერესო შინაარსი, ჩაკის და სარას სასიყვარულო რომანი,  ყველა სერიაში ახალი დავალება და ახალი ლეგენდა, ეს ყველაფერი ამ შოუს ძალიან ყურებადს ხდის.

ესეც გადაღების დროს მომხდარი gag reel–ები:

Chuck – ვუყურებდი აქედან

family guy – prostate Exam

პიტერი ექიმთან მიდის, პროსტატა აწუხებს, მაგრამ როცა ექიმი გასინჯვას დაუპირებს, პიტერი სამუდამო ტრამვას მიღებს 🙂

უნიჭო მსახიობი

საღამოს ტელევიზორთან მოვიკალათე, თან ჩიპსებს ვახრამუნებდი. ჩემი საყვარელი სერიალი გადიოდა, ძველი დროის. ჩუმად ვხითხითებდი და ჩიპსებს ვიტენიდი.

– გეყოფა ამდენი ჭამა – მომესმა და გაკვირვებულმა აქეთ–იქით მიმოვიხედე.

–  აქ ვარ, სად იყურები.

ტელევიზორის ეკრანთან მთავარ გმირ კაცს ცხვირი მოედო და ინტერესით შემომყურებდა.

– ეს, რანაირად? – ლამის გადამცდა ლუკმა.

– მოდი ჩვენთან – დამიქნია ხელი და მიმიპატიჟა.

გახარებული წავედი ტელევიზორისკენ, მაგრამ თავი მივარტყი და უკან დავიხიე.

– რანაირად მოვიდე?

– არ იფიქრო იმაზე, რომ შეეჯახები. უბრალოდ მოდი.

თვალები დავხუჭე და წინასწარ წარმოვიგდინე ნაპერწკელები, დაჯახების დროს რომ გავყრიდი, მაგრამ შიშინის ხმა მომესმა და თვალები რომ გავახილე უკვე იქ ვიყავი.

დეკორაციებში ვიდექი უშნოდ გაჩხერილი. კამერა ჩემსკენ იყო მოშვერილი.

– ჯონ, ახალი პაციენტი მოგივიდა – მომესმა ქალის ხმა. ჯონმა თვალი ჩამიკრა და სკამზე დამსვა, თან ყურში ჩამჩურჩულა, ექსპრომტად ითამაშეო.

– რამ შეგაწუხათ ბატონო ჩემო? – მეკითხება ძველებური თავაზიანობით და ფართოდ იკრიჭება. აშკარად რაღაც სასაცილო უნდა ვუთხრა, მაგრამ მაინცდამაინც ეხლა არ გამომდის.

სამაგიეროდ სასაცილოდ ვაღებ პირს და ვიყურები აქეთ–იქით.

– აშკარად ტვინის პრობლემები აქვს – ერთვება მისი თანაშემწე. ჰმ. მე მაინც ვიცი საყვარლები რომ არიან.

ჯონი მიბღვერის, მაგისთვის გადმოგიყვანეო?

– დიახ ბატონო, მე ცოტათი გონებასუსტი ვარ – ვამბობ დებილის გამომეტყველებით და თვალებს ვაელმებ. დარბაზი იცინის.

– მაგის შემჩნევა არ არის ძნელი – ამბობს რიხით ჯონი და სახეში მისი მუშტი მხვდება.

ტელევიზორიდან ვვარდები და ტანსაცმელს ვიფერთხავ. სავარძელში ვჯდები. არა რა, ჩემგან სიტუაციური კომედიის მსახიობი არ გამოვა.

– მე შანსი მოგეცი – მეუბნება ჯონი და პაციენტების წვალებას განაგრძობს.