სასაცილო საძიებო სიტყვები

ბლოგის სტატისტიკას როცა ვამოწმებ, ჩემი საყვარელი მომენტია სერჩ ითემების ნახვა, რომელზეც კარგად ვხალისობ ხოლმე. ხანდახან ისეთი სასწაული სიტყვები მხვდება, რომ მიკვირს.

ყველაზე მეტჯერ ჩემთან queer as folk ით არიან მოხვედრილები – დაახლოებით 150-ჯერ. მერე მოდის შერილ კოული და მისი ტატუები ასამდე ნახვით.

ოცი სიტყვა, რომელსაც ეძებდნენ და ალბათ იპოვნეს კიდეც, მაგრამ მე კარგად გავერთე:

1. ყველაზე გრძელი ყურები

რამდენად გრძელ ყურებს ეძებდით არ ვიცი, მაგრამ აგერ ჩემს ზაქარის შესანიშნავი წვეტიანი ყურები აქვს სტარ ტრეკში.

2. როგორ მოვუშალოთ ნერვები

დედას, მეზობელს, კატას, ბებიას, ქმარს, ცოლს ან მთელს მსოფლიოს.

3. chichilaks ra uyo

სხვისი არ ვიცი და ჩემმა კატამ ის უბრალოდ დაღეჭა.

4.  ყველაზე უხეში მამაკაცები

მმ, ვიღაცას მადა გაეხსნა… 🙂 აი კელვინ კლეინს ჰყავს რეკლამებში კაი უხეში მამაკაცები.

5.  i love sofo

ღმერთო ჩემო… ეს თაყვანისმცემლები მაწუხებენ რა უკვე, აღარ შემიძლია… 🙂

6.  რა შეუძლია ქამელეონის სისხლს

მე გეტყვით რა შეუძლია, თუ მის სისხლს სათვალეზე წაუსმევთ, გოგოებს შიშვლებს დაინახავთ… ხომ გაგიხარდათ?

7. გვშია

უკვე ინტერნეტში ვეძებთ საჭმელსაც და სასმელსაც. გვშია და რა ვქნათ 😦

8.  დაკრეჭილი

დაახლოებით ის ვარიანტია, თავში რომ ჩაგარტყავენ და დაკრეჭილი რომ რჩები.

9.  გასაპარსი

სიტყვა გასაპარსზე მაშინვე მისტერ ბორატი მახსენდება ხოლმე თავისი მწვანე საცურაო კოსტიუმებით.

10.  პირველყოფილი კომედია

სანამ კამერები და ფირები იქნებოდა, პირველყოფილი ადამიანები თვითონ დგავდნენ კომედიებს და კარგადაც ერთობოდნენ.

11.  ღიპიანი კაცი

გემოვნებაზე არ დაობენ, ზოგს უხეში მამაკაცები მოსწონს, ზოგს კიდევ ღიპიანი.

12. ორსარტულიანი ტყე

ეს იმდენად შთამბეჭდავი იყო, რომ მას ზღაპარიც კი მივუძღვენი.

13.  ტრაკი

აუ უზრდელურ სიტყვებს არ ვიყოთ რაა, ჩემი ბლოგი ზე-კორექტულია.

და აი ისიც:

14.  არ წახვიდე

იგივე don’t go, stay with me, just stay, stop.

15. გასაკვირი სურათები

ფრიად გასაკვირი და საოცარი სურათები, მაგალითად როგორ იჭრის კაცი ბოსტნეულთან ერთად თითებს, ან როგორ აქვს თავი შეყოფილი თავისივე უკანალში (ხედავთ კორექტულობას?)

16. რომელ ვარსკვლავს ვგავარ?

მე მგონია რომ ძალიან ვგავარ ბრედ პიტს, მაგრამ მინდა ვგავდე რობი პატინსონს – თინეიჯერი ბიჭის ოცნება.

17.  სექსუალური ნიშნები

ეს საგზაო ნიშნები ისეთი სექსუალურია, ისეთი სექსუალური, რომ მანქანის გადაყენება მოგინდება გზიდან და ცოტა ხანი საკუთარ თავთან მარტო დარჩენა.

18. ბეწვები

ბეწვები… რა საინტერესოა… უბრალოდ ბეწვები… ბეწვები წვიმაში… სევდიანი ბეწვები…

19. ცისფერი კაცები

ნწ ნწ ნწ… ეგ უზრდელები… ცისფერი კაცები.

აი თქვენ ცისფერი კაცები, და არ თქვათ რომ ეს კოცნა ცუდი შესახედავია.

20. ცნობილი ვარსკვლავების იღლიები

მშვენიერი და გლუვი იღლიები, სასიამოვნო არომატით. ისინი რომ ცნობილი ვარსკვლავები არიან…

ჰოლივუდის ვარსკვლავები ჭარბი თმის საფარით :O

მდაა… საინტერესოა. არა, უფრო გასაკვირია, რამ გააგიჟა ეს ხალხი. მოდი ჯერ სურათები ვნახოთ. (ფოტოშოპი არაა, ეს სურათები რამდენიმე ცნობილ ჟურნალში დაიბეჭდა)

სუპერმოდელი ჟიზელი გასაპარსი ფეხებით (კაი ჯანდაბას, ქერა ღინღლებს ავიტანთ)

ქალბატონი ბიონსე კარგად გამოპრანჭულა, მაგრამ კოჭები გამორჩენია 🙂

დრიუ ბერიმორს მთელი ორანჟერია გაუშენებია იღლიებში.

ჰოლი ბერის ურჩი ბეწვები ვერაფრით დაუვარცხნია და ჯანდაბას იყოს აჩეჩილიო.

ალისია სილვერსტოუნის მიმზიდველი ფეხები.

სელინ დიონის ცნობილი ბრჭყვიალა ფეხები

ემი როგორც ყოველთვის შეუდარებელია.

მისტერ ბორატი თავისი მწვანე კუპალნიკით უკვე კლასიკაა…

აი ამან კი მართლა გამაოცა, ამ ქალისგან არ ველოდი ასეთ რამეს.

ჯულია რობერტსი

ბოლო კი უკომენტაროდ:

ვნახოთ რას იტყოდა ამ ყველაფერზე სტიუი გრიფინი

კიდევ ერთი ვამპირის ისტორია – დასასრული

– ჯეინ – შეჰყვირა სასოწარკვეთილმა რიჩარდმა და გაკუნტრუშებულ ჯეინს გამოუდგა, მაგრამ ბოროტმა ტონიმ ჭკუა იხმარა და ფეხი დაუდო. რიჩარდი გაწამებული სახით წავიდა მიწისკენ ხელგაშვერილი. თუმცა შენელებული კადრით მისი ვარდნა იმდენ ხანს გაგრძელდა, რომ ტონიმ გამოძინებაც მოასწრო და მეორე დილაც გათენდა.

– მგონი ჩვენს მაქციას სილიკონები ჩამოეწელა – მიუბრუნდა  რეჟისორი ასისტენტს -ჯობია პერანგი შემოვაცვათ, თორემ მაგდენი ფული სადაა კიდევ ჩავუყენოთ.

ტონის პერანგი მიუტანეს, მაგრამ მან კატეგორიულად არ ჩაიცვა და სატრენაჟორო დარბაზში დაიწყო სიარული, მაგრამ იქ გირი დაეცა და მოკვდა.

რიჩარდი ისევ პირქვე ეგდო ჯეინი რომ გამოვიდა სახლიდან.

– ჯეინ ყარხარ, წამოდი თავი დაიბანე – მისდევდა უკან სასოწარკვეთილი მამა.

ვამპირი მაშინვე წამოხტა და ჯეინს მიეჭრა.

– ოო, ძვირფასო ნუთუ მაღირსებ პასუხს?

– ჯერ არა, ფილმის ბოლოს. ჯერ ტონი უნდა გავაცოცხლოთ.

მაგრამ დააგვიანეს. ტონი უკვე გაეცოცხლებინა მისტერ ბორატს, რომელსაც მწვანე საცვლის მაგია გამოეყენებინა. მაგრამ იმისთვის, რომ მაგიას ემოქმედა, ჯეინი და ტონი ერთად უნდა დაწოლილიყვნენ და გაეთბოთ ერთმანეთი. ამ დროს რიჩარდს ყურები დაცული ჰქონდა, რადგან მათი სასიყვარულო აზრების გაგონება არ უნდოდა. ტონი საბოლოოდ გაცოცხლდა.

გაცოცხლებული ტონი ჯეინს მივარდა და რიჩარდის თვალწინ ვნებიანად აკოცა.

რიჩარდს ნიკაპი აუკანკალდა და მთელი ხმით აბღავლდა. მისი ბზინვარება სულ ჩაქრა, რადგან წინა დღეს კივის ლოსიონი წაისვა და მუწუკებმა დააყარეს ბავშვივით თეთრ ნაზ კანზე.

ის განადგურებული იყო. ადგა და გულამომჯდარმა ქვითინით დასტოვა ახალი  წყვილი. უპერანგო და უფორმო მაქცია და მუდამ ჭუჭყიანი  ჯეინი.

გავიდა კვირები, თვეები ( ეს კინოში, თორემ ისე ორ საათში გადაიღეს).

რიჩარდმა ხელოვნური წვერი მიიწება და მუცელზეც მიიხატა პრესები მარკერით.

ამ დროს სავსემთვარობაც მოვიდა…

ტონი მაქციად უნდა გადაქცეულიყო, თუმცა ჯეინს არ უნდოდა მისი მარტო დატოვება და  სამთვლიანი ველოსიპედით გამოეკიდა ტონის.

ამ დროს ჰაერში რიჩარდის ლანდი აფარფატდა.

– არააა. არააა ჯეინ არააა. არ წახვიდე საფრთხე გელის.

– შენ ნამდვილი არ ხარ, ლანდი ხარ… რას დამიშავებ?  -უთხრა ჯეინმა და გაწეპილი თმით ცხვირი მოიწმინდა.

რიჩარდის ლანდი გაბრაზდა და წინ გადაუდგა. ამ დროს ველოსიპედს ერთი თვალი მოძვრა და ჯეინი ხეს შეასკდა.

” ჯანდაბას ვეტყვი თანხმობას და ხომ დამანებებს თავს”

გაიფიქრა და ჩამტვრეული კბილებით გაუღიმა რიჩარდის ნაზად მოლივლივე ლანდს.

ტონი, რიჩარდი და ჯეინი ბედნიერად ცხოვრობდნენ ერთ ოჯახად.

აი ასე ბედნიერად დასრულდა ერთი ჩვეულებრივი  გოგოს,გაურკვეველი ორიენტაციის მბზინავი ვამპირის და მაქციას ამბავი.

მაიმუნმა უკმაყოფილოდ გააქნია თავი და ბოლო წერტილიც დასვა.

by qameleoni555

p.s  იმედია ჩემს მიერ დაწერილი მეორე ნაწილი მოგეწონებათ და არც მე ჩავიქოლები 😀

p.s 2: ჩვენ არ გადავიღებთ ამ ისტორიაზე 123847857 ფილმს, ყველაფერი აქვე მთავრდება!