საუკეთესო TV წყვილები

რაც არ უნდა განსხვავებული ჟანრის იყოს ტელეშოუ, რომანტიული ელემენტები ყველას გასდევს, სასიყვარულო ისტორია აუცილებლად ჩართულია. ათი წყვილი სერიალებიდან, რომლებსაც ფიზიკურის გარდა ემოციონალური ურთიერთობა ჰქონდათ ერთმანეთთან.

10. სმოლვილი – კლარკ კენტი და ლანა ლენგი

ყველაზე მრავალტანჯული წყვილი წყვილების ისტორიაში. ჯერ ისედაც სმოლვილი ათი სეზონია და კლარკმა ლანასთვის გრძნობების გამოტეხვას 5–6 სეზონი მოანდომა. ლიკას თქმის არ იყოს კომპლექსი დამიტოვა ამ სერიალმა უზომოდ გაწელილი  სიყვარულის. ყოველი სეზონის ბოლოს ლანა და კლარკი კლარკის სხვენში იდგნენ, სუპერმენი რა თქმა უნდა ვერაფერს ეუბნებოდა და ლანაც მიდიოდა.

სექსი – პირველი სექსი მეექვსე სეზონში ეღირსათ და ორივესთვის პირველი იყო. კლარკს ეშინოდა, რომ თავის ძალებს ვერ მოზომავდა და ლანას რამეს ავნებდა.

9. one tree hill ლუკასი და ბრუკი

სერიალში მთავარი წყვილი ლუკასი და პეიტონი იყვნენ, მაგრამ პირველად ბრუკთან ჰქონდა ლუკასს რომანი, მაგრამ გული მაინც ყოველთვის პეიტონისკენ მიუწევდა. ჰო, მათი რომანი ცხოვრებაშიც გადაიზარდა და ჩად მაიკლი და სოფია დაქორწინდნენ, მაგრამ მათი ქორწინება მცირე ხნიანი გამოდგა.

სექსი – ჰქონდათ პირველივე დღიდან, ყველგან და ყოველთვის.

8.  The O.C. სეტი და სამერი

სერიალში მთავარი წყვილი მარისა და რაიანი არიან, მაგრამ სეტის და სამერის  ურთიერთობა მაინც გამორჩეულია. დაბნეული და უიღბლო სეტი და სკოლის პოპულარული გოგო სამერი თავიდან ერთმანეთს ვერ იტანენ, მაგრამ მალე ეს ყველაფერი სიყვარულში გადაეზრდებათ. ჰოდა ადამი და რეიჩელი სინამდვილეშიც 2 წელი ხვდებოდნენ ერთმანეთს (ვერ უძლებს ეს ხალხი  ეკრანულ რომანებს)

სექსი – თავიდან ცოტა ყოყმანობენ, მაგრამ მერე სეტის ოთახში საათობით არიან ჩაკეტილები 🙂

7.  Chuck ჩაკი და სარა

ყველაზე ჯაშუშური წყვილი. სარა ნაციონალური უსაფრთხოების აგენტია, ჩაკი კი ძალიან დაბნეული და ლუზერი ბიჭი, რომელიც თავისი ყოფილი კოლეჯის მეგობრის იმეილს გახსნის და მის ტვინში ინტერსექტი, ანუ სახელმწიფოს ყველა საიდუმლო ჩაიტვირთება. სარას მისი დაცვა აქვს დავალებული და დაფარვის მიზნით მისი შეყვარებულის როლს ასრულებს, მაგრამ ჩაკს ის მართლა უყვარდება.

სექსი – ეღირდებათ მესამე სეზონში დიდი ტანჯვის და თავშეკავების მერე 🙂

6. legend of the seeker რიჩარდი და კეილინი

აქ სიყვარულის ტრაგიკულ ისტორიასთან გვაქვს საქმე. რიჩარდი მაძიებელია და უდიდესი მისია აკისრია, კეილინი კი confessor-ი (ამას ვერ ვთარგმნი) ანუ მას სექსი საყვარელ ადამიანთან არ შეუძლია, რადგან ამ დროს თავის დაფარულ ძალებს მისკენ მიმართავს და თავის მონად აქცევს ცხოვრების ბოლომდე. ისინი ჯადოქართან ერთად მოგზაურობენ, მაგრამ კოცნის იქით საქმე არ მიდის.

სექსი – არ აქვთ.

5.  gossip girl დენი და სერენა

რაღაც ვერ აღვიქვამ ამათ წყვილად, პრინციპში ახლა არც არიან ერთად, მეოთხე სეზონში, მაგრამ მთელს სერიალს მათი სიყვარულის ისტორია გასდევს 🙂 ჰოდა ისინი სინამდვილეშიც ხვდებიან ერთმანეთს. დენი – ღარიბი ბიჭი და სერენა – მდიდარი არისტოკრატი მანჰეტენიდან.

სექსი – გაცნობის დღიდან, უპრობლემოდ 🙂

4.  heroes საილერი და ელლე

ესეც საბედისწერო სიყვარულის ისტორია. საილერი, იგივე გაბრიელი ჯერ არ არის ბოლომდე გარკვეული თავის შესაძლებლობებში, როცა ნოა ბენეტი მასთან ელლეს შეგზავნის ფარული კამერით. გაბრიელი ენდობა მას და ყველა საიდუმლოს გაუმხელს, მაგრამ მოგვიანებით როცა ყველაფერს გაიგებს, ელლეს კლავს.

სექსი – აქვთ ხან სახლში, ხან სანაპიროზე 🙂

3.  true blood სუკი და ბილი

ვამპირის და ფერიას სიყვარულის ისტორია, არც ისე რომანტიული და შელამაზებული, მაგრამ საინტერესო. დღეს ანა და სტივენი ცოლ–ქმარი არიან.

სექსი – ბებიის სიკვდილის დამწუხრებული და განადგურებული სუკი თეთრი ღამის პერანგით სახლიდან გარბის და ბილთან მიდის. ბილი ამას გრძნობს და გარეთ გამოვარდება, მერე ხელში აჰყავს სუკი და სახლში ბუხართან მიეცემიან სიყვარულს 🙂 ჰო, სუკისთვის ეს პირველია.

2.  buffy the vampire slayer ბაფი და ენჯელი

ვამპირი ენჯელი და ვამპირებთან მებრძოლი ბაფი, თითქოს შეუთავსებელი წყვილია, მაგრამ ენჯელს სული აქვს სხვა ვამპირებისგან განსხვავებით და მათ ერთმანეთი შეუყვარდებათ. მართალია ენჯელი მესამე სეზონის მერე მიდის სერიალიდან, მაგრამ მეშვიდე სეზონამდე ბაფი იტანჯება მისი სიყვარულით 🙂

სექსი – ჰქონდათ ერთადერთხელ, რომლის შემდეგაც ანჯელმა სული დაკარგა და ბოროტ ვამპირად იქცა.

1.  buffy the vampire slayer ბაფი და სპაიკი

მიუხედავად იმისა, რომ ისინი არასდროს ყოფილან ნამდვილი წყვილი, მაინც ჩემი ფავორიტები არიან. ერთმანეთის მოსისხლე მტრები, რომლებიც მთელი სამი სეზონი ერთმანეთს მოსაკლავად დასდევდნენ, რატომღაც ეს სიძულვილი სიყავრულად გადაიზარდა. ბოროტი და მკვლელი ვამპირი სპაიკი მთლიანად იცვლება და ბაფის ეხმარება.

სექსი – პირველად ერთმანეთს სცემდნენ დანგრეულ სახლში, როცა ბაფიმ მოულოდნელად აკოცა და მერე ის სახლი უარესად დაანგრიეს 🙂 მეექვსე სეზონში ფაქტიურად სულ ამათი სექსი იყო და ბლუფერებში ყური მოვკარი სარა წუწუნებდა, რა ამბავია ამდენი სექსი ამ მეექვსე სეზონშიო 🙂 მაგრამ ბაფის სპაიკი არასდროს ჰყვარებია ისე, როგორც ანჯელი და მიუხედავად იმისა, რომ სერიალის ბოლოს სპაიკს ეუბნება მიყვარხარო, სპაიკი პასუხობს, რომ იცის ეს ასე არაა, მაგრამ მაინც მადლობელია ეს რომ უთხრა.

სერიალის ქუდები

ყველა სერიალს თავისებური ქუდი აქვს. ძირითადად არსებობს ორი კატეგორიის ქუდები. პირველი – სადაც უბრალოდ რამდენიმე წამი ეწერება სერიალის სახელი, როგორც ვამპირების დღიურებში, დაკარგულებში, გმირებში და კიდევ ბევრი – და მეორე, სადაც სიმღერა ადევს და მსახიობების სახელი და გვარები ეწერება, ხანდახან მათ გამოსახულებაზეც.

5. pretty little liars.

სულ 30 წამიანი წუდი აქვს, მაგრამ ერთხელაც არ გადამიხვევია, რაღაც კარგად არის დამჯდარი სიმღერაც და პატარა შესავალიც.

ჯგუფი the pierces, რომელთაგან ერთ–ერთი წევრი სერიალში ბოროტი გოგოს როლს ასრულებს 🙂

4. the o.c

ასეთი ტიპის სერიალებში უფრო არის კარგი ქუდები, საერთოდაც ხშირად ბევრი ცნობილი ჯგუფი თუ მომღერალი ჰყავდათ სერიალის განმავლობაში, მათ შორის the killers, the perishers.

ჰო, ეს სიმღერა დიდი ხანი მქონდა ამოჩემებული, კალიფორნიაააა, კალიფორნიააააა, ერთხელ თუ აიჩემე, ძნელია მერე შეეშვა.

ნახევარწუთიანი ქუდი:

ძალიან კარგი ჯგუფი the phantom planet.

 3. one tree hill

ასევე მუსიკალურად დატვირთული სერიალი, ერთ–ერთი მთავარი გმირი, ჰეილი, მომღერლობაზე ოცნებობს და აიხდენს კიდეც ამ ოცნებას. ღამის კლუბში, სადაც ისინი ხშირად იკრიბებიან, ბევრი ცნობილი მომღერალი თუ ჯგუფი ჰყოლიათ სტუმრად.

ქუდი 40 წამიანია.

სერიალს გევინ დეგრაუს ძალიან ცნობილი სიმღერა I don’t wanna be ადევს.

2. Smallville

ათი სეზონის განმავლობაში ერთი და იგივე სიმღერა და ალბათ ყველაზე მეტჯერ მოსმენილი. სამბადი სეიიიიიიიიივ მიიიიიიიიიიი

რემი ზიროს სიმღერა, რომელიც დავიზეპირე და მიუხედავად იმისა, რომ კარგი სიმღერაა, არასდროს გამჩენია სურვილი ისე მომესმინა, ამომიყვანა სმოლვილმა ყელში 🙂 მეოთხე სეზონში გამოსაშვებ საღამოზე ჰყავდათ ეს მომღერალი მოწვეული და სხვა სიმღერებთან ერთად ეს ცნობილი ქუდიც შეასრულა.

1. true blood

მმმ, ყველაზე ჭუჭყიანი და უცნაური ქუდი, რაც კი ოდესმე მინახავს, მაგრამ ამავე დროს იდეალურად შეეფერება სერიალის შინაარს. პატარ–პატარა გაწყვეტილი კადრები, რომლებიც თითქოს უშინაარსოდ უკავშირდება ერთმანეთს, მაგრამ არის ამაში რაღაც…

ჯეის ევერეტის სიმღერა – bad things

I wanna do bad things to you…..

My top 5 anime!

მაშ ასე დიდი ხანია არაფერი დამიწერია, ჰოდა დღეს სოფო დავასვენე და მე ავიღე დატვირთვა ჩემს თავზე. ვიფიქრე ვიფიქრე რა დავწერო მეთქი და ერთი მშვენიერი იდეაც მომივიდა თავში. მოგესალმებით ქამელეონი555 და გთავაზობთ პოსტს ჩემს უსაყვარლეს ანიმეებზე.

ჩემი მიდრეკილება და ავადმყოფური გადახრა ყველაფერი იაპონურისკენ სრული ამ სიტყვის მნიშვნელობით დაიწყო დაახლოებით ორი წლის წინ. თვითონ ამ ერზე ვგიჟდები. ოცნებად მაქვს იაპონურის სწავლა და დღესაც როცა ანიმეებს იაპონურად ვუყურებ ინგლისური ან რუსული ტიტრების თანხლებით, რამოდენიმე სიტყვას რომ გავიგებ ხოლმე, ისე რომ ტიტრებს არ შევხედო, ჩემზე ბედნიერი ადამიანი არაა. ზოგადად მიყვარს ეს მინიატურული ხალხი ძალიან საყვარელი ენით და დიქციით. მოკლედ შორს რომ არ წავიდე, ვგიჟდები ანიმეებზე, და თითქმის ყველა ანიმეს გმირის სურათებით სავსე მაქვს კომპიუტერი. ახლა მინდა შემოგთავაზოთ რამდენიმე ანიმე, რომლებმაც ჩემზე წარუშლელი შთაბეჭდილება დატოვეს.

5.  blood+

შინაარსს მოკლედ აღვწერ. მთავარი გმირი გოგონაა, რომელსაც საია ჰქვია. საია თითქოს მშვიდი ცხოვრებით ცხოვრობს. სკოლის მოსწავლეა, მაგრამ ამნეზია სჭირს და თავისი წარსული არ ახსოვს, მასზე ზრუნავენ, თუმცა წარსულს ნელნელა იხსენებს, რაც მის ცხოვრებას ძირფესვიანად ცვლის და ხიროპტერების წინააღმდეგ ბრძოლას იწყებს თავის ერთგულ მსახურთან ჰაჯთან ერთად. ძალიან კარგი, სათავგადასავლო და საინტერესო ანიმეა, რომანტიკის ელემენტებით.

სეც ტრაილერი.

4. vampire knight

ეს ჩემი პირველი ანიმეა, რომელიც ძალიან მომეწონა და ორივე სეზონს ვუყურე. დიდი შემართებით ველოდები დღესაც მესამეს, მაგრამ მგონი არ აპირებენ გადაღებას. ესაა ანიმე ვამპირებზე. მთავარი გმირი იუკი კროსი სწავლობს კროსის აკადემიაში ვამპირების მონადირე ზერო კირიუსთან ერთად. იუკის მოგონებები უკავშირდება ათი წლის წინანადელ მოვლენას, როდესაც მას თავს დაესხნენ ვამპირები და კეთილმა ვამპირმა  კანამე კურანმა იხსნა ის სიკვდილისგან. ახლა კანამეც ამ სკოლაშია. იუკის და ზეროს დიდი თავგადასავლები ელით, თუმცა ამას მერე გაიგებთ თუ უყურებთ ანიმეს.

 

მინდა აღვნიშნო რომ ყველა ჩემს შემოთავაზებულ ანიმეს ძალიან კარგი საუნდტრეკები და მუსიკალური გაფორმება აქვს. განსაკუთრებით vampire knightს.

3. kuroshitsuji

ძალიან დამწყდა გული, რომ ანიმე მხოლოდ ერთ სეზონიანი გამოდგა. ძალიან უცნაური და სასიამოვნო საყურებელი ანიმე.  მოსამსახურე სებასტიანი, რომლის დემონური ნატურაც სასიამოვნოდ გააკვირვებს მაყურებელს, თავდადებული ემსახურება სამეფო ოჯახის წარმომადგენელ სიელ ფანტომჰაიფს, რომელიც 15 წლისაა და უდიდეს სავაჭრო იმპერიას ფლობს. ეს ხდება ვიქტორიანული ინგლისის ეპოქაში და ფანტომჰაიფი დედოფალის დაქვემდებარების ქვეშაა. მეტს აღარაფერს ვიტყვი, თორემ ანიმეს ყურება ხიბლს დაკარგავს.

 

მინდა ვთქვა რომ ამ ანიმეს ყურების დროს სებასტიანი უბრალოდ შემიყვარდა 🙂 ის შესანიშნავი ანიმესათვის დამახასიათებელი დემონია.

2. elfen lied

ყველაზე დრამატული, სისხლიანი და არაჩვეულებრივი ანიმე, რაც კი ოდესმე მე მინახავს. ერთადერთი ანიმე, რომლის თითქმის ყველა სერიაზე ვიტირე. მოქმედება რა თქმა უნდა ხდება იაპონიაში სადაც გამოჰყავთ ახალი თაობა ხელოვნური ადამიანებისა, რომლებსაც დიკლონიუსებს ეძახიან. მათ არნახული ძალა აქვთ და ირგვლივ ყველაფერს ანადგურებენ. გამოირჩევიან ადამიანებისგან პატარა რქებით. ერთერთი დახურული სადგურიდან ძლიერი დიკლონიუსი ლუსი გარბის, რომელსაც გაორება სჭირს. ერთი მხრივ ცივსისხლიანი მკვლელია, მეორე მხრივ კი პატარა საყვარელი ბავშვი, თავის თავს ნიუს ეძახის… ძალიან ემოციური და საინტერესო ანიმეა.

 

და ბოლოს პირველი და განუმეორებელი ადგილი ჩემს ყველა დროის უსაყვარლეს ანიმეს და არა მარტო ანიმეს, თამაში რომ გამოვიდა,კინაღამ გული გამისკდა სიხარულით. მეხუთე ნაწილია უკვე თამაშის გამოსული თუ არ ვცდები, მაგრამ მიუხედავად ჩემი უდიდესი სიმპათიებისა და სიყვარულისა დანტეს მიმართ მსგავს თამაშებს ვერასდროს ვთამაშობ, მაგრამ ხომ მიხარია? 🙂

1. devil may cry

მე უბრალოდ ემოცია არ მეყოფა ანიმეს შინაარსი გადმოვცე, იმიტომ რომ დანტე დანტე დანტე დანტე დანტეეეეე…

 

ესეც ასე. მგონი კი გამოვიდა  დიდი პოსტი 🙂

by qameleoni555 

ოჯახის კაცი

მიყვარს, მიყვარს, მიყვარს…. ვგიჟდები აბსურდულ კომედიებზე და განსაკუთრებით ამ საოცარ ანიმაციაზე!

დეგრადირებული გრიფინების ოჯახის თავგადასავლები – დედა, სექსუალური და წითელთმიანი ლუისი, მამა- მსუქანი და გონებაჩამორჩენილი პიტერი, შვილები – გარდატეხის ასაკში მყოფი კრისი, რომელიც თავის მუწუკებს ელაპარაკება ხოლმე და ულამაზო და სათვალეებიანი მეგი. კიდევ ბრაიანი, ძაღლი, რომელიც ძალიან ინტელექტუალურია და წიგნებს წერს, თან ლუისზეა შეყვარებული.

ერთი წლის სტიუი განსაკუთრებული ფენომენია, ყველაფერი იცის, დროის მანქანასაც თავისუფლად ააწყობს, ვერ იტანს დედას, ერთადერთი ვისთანაც მეგობრობს ბრაიანია. აქვს მცირე გეი გადახრები და ძალიან მწარე ენა.

პროექტის ავტორი სეტ მაკფარლენია, ასევე თვითონ ახმოვანებს პიტერს/ბრაიანს/სტიუის და სხვა ეპიზოდურ პერსონაჟებს.

კრისს სეტ გრინი ახმოვანებს, მეგს კი მილა კუნისი.

ჩემი ფავორიტი მომენტები:

პიტერის აკვიატება – სიმღერა ლურჯ ფრინველზე

პიტერმა დებილი ცხენი იყიდა და სახლში მოიყვანა:

სტიუი მარტო დარჩა სახლში და სოდიანი წყლის დალევა მოუნდა:

სტიუიმ პირველად დაინახა ვაგინა 🙂

ესეც პიტერის პროსტატის გასინჯვა. ამ ღნავილზე ვგიჟდები:

და ესეც ყველაზე ცნობილი მაამ, მაამ, მამიი, მამიიი:

8.7 აქვს იმდბ-ზე და 4 ემის მფლობელია, პლიუს უამრავი სხვა ნომინაცია, ახლა მეათე სეზონი მიმდინარეობს და ერთი სიტყვით იმდენს მაცინებს, რომ სიცოცხლეს მიხანგრძლივებს.

ესეც მეიქინგი, სადაც სეტი სამი განსხვავებული ხმით ლაპარაკობს. ძალიან ნიჭიერი კაცია.

ერთი დღე ინტერნეტის გარეშე

გუშინ დილით ჩემი ძველი ინტერნეტი გამოვრთეთ და ახალზე დავწერეთ განცხადება. ორ-სამ დღეში მოვალთო გვითხრეს და ჩემი პატარა და საყვარელი მოდემი წაიღეს. დავრჩი ინტერნეტის გარეშე.

რა უნდა აკეთო სახლში, თუ გარეთ გასვლა არ გინდა, ცივა და თოვს, შენი შეყვარებული დილიდან საღამომდე მუშაობს, ტელევიზორში არაფერია საინტერესო და ინტერნეტიც არ გაქვს?

კიდევ კარგი ერთი პოსტი ზაქარიზე წინასწარ მქონდა გამზადებული და სამი ფილმი წინაწარ გადმოწერილი, პლიუს 5-6 მიმდინარე სერიალების ახალი სერიები და ბიგ ფიშის თამაში, რომელსაც ვოლკსროუს გარეშე ვერ ვთამაშობ.

დღის განმავლობაში გამოვიზოგე ეს სამი კინო და სერიალები, ერთი-ორი საათი ლიკას ველაპარაკე ტელეფონით, ინტერნეტი იმასაც გამორთული აქვს და მოწყენილი იჯდა. ცოტა ახლოს მაინც ცხოვრობდეს, მეზარება ხოლმე ფეხით გასვლა, არადა ტრანსპორტი არ მიდის იქით ჩემი ქუჩიდან 😦

ჰოდა რას ვუყურე… ორი ფილმი კეიტისგან მოვიპარე 🙂 ჯერ ვანესას heartbreaker (2010), ფრანგული ფილმები არ მიყვარს, მაგრამ ეს მთლად ფრანგული არ იყო 🙂 შინაარსი ბანალური, მაგრამ ძალიან სასიამოვნოდ საყურებელი, ახალგაზრდა ბიჭს ფულს უხდიან იმაში, რომ შეყვარებული წყვილები ერთმანეთს დააშოროს, მაგრამ როცა ვანესაზე მიდგება საქმე, ეს ბიჭი თვითონ აღმოჩნდება შეყვარებული.

ვანესა აქ ძალიან მომეწონა თავისი საფირმო გაყოფილი კბილებით, ისე რამდენი ხანია ეს და ჯონი შეაბერდნენ ერთმანეთს, მიკვირს 🙂 არატრადიციული ჰოლივუდური ოჯახი.

მერე ცოტა ხანი შევისვენე, ფანჯრიდან გადავხედე გარემოს 🙂 ერთი მთვრალი კაცი ბალახებში ჩაწვა და გემრიელად მოიკალათა, მაგრამ მერე შეცივდა ალბათ, გაჭირვებით ადგა და წავიდა, თან თეთრი შარვალი ეცვა 🙂

მერე ისევ უინტერნეტო კომპიუტერს დავუბრუნდი და მეორე ფილმს, burlesque 2010-ს ვუყურე.

ახალგაზრდა და ამბიციური კრისტინა აგილერა ჩადის ლოს ანჯელესში წარმატების მისაღწევად და მიმტანად დაიწყებს მუშაობას ბარ ბურლესკში, რომლის მფლობელიც ქალბატონი შერია. ამ ბარის ვარსკვლავია კრისტენ ბელი (პირველად ვნახე სწერვა გოგოს როლში). მმმ, ჰოდა ამ ბარში სიმპათიური ბარმენია, რომელიც კრისტინას თავის ბინაში შესთავაზებს ცხოვრებას, რადგან მის ბინას გაძარცვავენ და უფულოდ დატოვებენ, ნუ რა თქმა უნდა მეგობრულად ვითომ, ამ ბიჭს საცოლე ჰყავს 🙂 ხოდა მიყვარს მე კემი:

შერის ბარის ყიდვა ბოროტ ერიკ დეინს უნდა, უუუსაყვარლესი კაცია, პლასტიკური ქირურგი გრეის ანატომიიდან, ძალიან მომწონს და ისიც პირველად ვნახე ბოროტ როლში, კრისტინას ეპრანჭება და ისეთ ფეხსაცმელს აჩუქებს სულ თვლებით მორთულს, გული თუ არ დამარტყამდა არ მეგონა.

მერე კემს და კრისტინას ერთმანეთი უყვარდებათ, კემი საცოლეს შორდება, მერე ეს გოგო დაადგება თავზე, glee-დან საყვარელი დიანა აგრონი, სულ ორწუთიანი როლი აქვს და ბოლოს ჰეფი ენდი, კრისტინა ვარსკვლავი გახდება და ბარსაც იხსნის. ესეც ასე.

და მესამე, ადამ ბროუდის ხათრით ვუყურე in the land of woman 2007

ადამს თავისი ცხოვრების სიყვარული დაშორდება და გულგატეხილი ჩადის ავადმყოფ ბებიათან საცხოვრებლად. პირველივე დღეს გაიცნობს მეზობელ ოჯახს – დედა, მეგ რაიანი, რომელსაც ქმარი არ უყვარს და მკერდის კიბო აქვს, და მისი შვილი თინეიჯერი კრისტენ სტიუარტი ქერა თმებში 🙂

თითქოს რომანი კრისტენსა და ადამს შორის რომ უნდა გაიბას, მეგი და ადამი უფრო გამონახავენ საერთო ენას. განსაკუთრებით კოცნის სცენამ შემძრა წვიმაში 🙂 რამდენჯერმე გადავახვიე 🙂

კარგი, მერე ისევ შესვენება გავაკეთე, ამასობაში გახდა 8 საათი, ცოტა კიწი ვაწვალე, მაგრამ გამექცა და დასაძინებლად წავიდა, 12-მდე დრო უნდა გამეყვანა როგორმე, მერე ოსკარები იწყებოდა. ვამპირის დღიურების ერთ სერიას და ფემილი გაის ორ სერიას ვუყურე. თან უიმედოდ შევცქეროდი მოტრიალე სკაიპის ნიშანს.

12-მდე დიდი ქართული შედევრი, მისტიკური ტრილერი, ფანტასტიკური დრამა, და უბრალოდ საოცარი ფილმი, ისეთი, რომ პირდაღებულს დაგტოვებდა – სეზონი გადიოდა და მეორედ შევავლე თვალი და დავტკბი საოცარი სცენარით და მსახიობების ვირტუოზობით. დიალოგები აქვს რაღაც სასწაული, გონებამახვილური ფრაზებით – “პროსტა არ იქცეოდა რააა სწორაად რააა” – გაწელილი ფრაზა, რომელიც ჩემი ფავორიტია. ბოლოსკენ ლიკამ დამირეკა და ერთად ვტკბებოდით უაზროდ გაწელილი ფინალით.

როგორც იქნა ჩვენი სკანდირების ფონზე “ჩაიხრჩე, ჩაიხრჩე” დამთავრდა კინოც და დაიწყე ჩვენი ოსკარები.

სამწუხაროდ შესავალი არ აჩვენეს წითელი ხალიჩის, პირდაპირ ცერემონია დაიწყო, პრინციპში როგორც ველოდებოდით, ყველაფერი გამართლდა, კრისტიანზეა შეყვარებული ბავშვობიდან და გაუხარდა ოსკარი რომ აიღო 🙂 სათამაშოების ისტორიაც გამიხარდა 🙂 სამ საათამდე გაჭირვებით გავძელით, როგორც იქნა დამთავრდა და გამოვრთე ტელევიზორი, მერე ჩემი უსიცოცხლო კომპიუტერი და დავწექი.

დღეს დილით მოვიდა საყვარელი კაცი და ჩაგვირთო ინტერნეტი და მე ძალიან ბედნიერი ვარ 🙂

ჩემი crush-ი

ვიცი ტვინი მო****ი ამ კაცზე ლაპარაკით, მაგრამ ისე როგორ უნდა გამიძლოს გულმა, რომ ერთი განსხვავებული პოსტი არ მივუძღვნა, უბრალოდ არ შემიძლია.

მაშ ასე:

ზაქარი კინტო დაიბადა 1977 წელს პიტსბურგში, დაამთავრა კათოლიკური სკოლა და მელონის უნივერსიტეტი, პირველი როლი კი 2000 წელს მიიღო სერიალში “სხვები”, რა თქმა უნდა ეპიზოდური როლი. ამის მერე სხვადასხვა თინეიჯერულ და გასართობ სერიალებში იღებდა ეპიზოდურ როლებს, მაგრამ მისი კარიერა წინ ვერ მიიწევდა.

პირველი სერიოზული როლი, რომელიც მიიღო ძალიან ცნობილ სერიალში, ეს იყო “24”, სადაც ზაქარი პროგრამისტის როლს ასრულებდა.

აი მერე დაიწყო რაც დაიწყო, ზაქარიმ სულ ცოტა ხანში იმხელა პოპულარობა მოიპოვა, რომ ათასობით საიტები და ფან-კლუბები მიუძღვნეს, თაყვანისმცემლების უზარმაზარი არმია გამოუჩნდა ჩემი ჩათვლით 🙂

NBS- ის ჰიტად ქცეული სერიალი, გმირები, რომელმაც სულ მალე მთელი მსოფლიო მოიცვა ზაქარისთვის ძალიან მნიშვნელოვანი აღმოჩნდა. ადამიანები, რომლებსაც სხვადასხვა შესაძლებლობები გააჩნიათ, ცდილობენ ერთმანეთთან დაკავშირებას და გაერთიანებას, რადგან გამოჩნდა მკვლელი, რომელიც სწორედ ასეთ ადამიანებს კლავს და მათ შესაძლებლობებს ითვისებს.

6 სერიის განმავლობაში მხოლოდ ამ ადამიანის სახელს ახსენებენ – საილერი. მეექვსე სერიაში ჩნდება ეს ცნობილი საილერი, ზის კაფეში კეპკით და შემდეგ მსხვერპლს უთვალთვალებს. რამდენიმე სერია სახე ნორმალურად არც კი უჩანს.

როგორც სხვადასხვა საიტებზე და ფორუმებზე წერენ, ამ სერიალმა იცის დამოკიდებულება და მიჩვევა (addict) ანუ მარტო მე არ მომსვლია დაზომბება, ვეღარაფერზე ვერ ვფიქრობდი, სულ მინდოდა მეტი და მეტი მეყურებინა, დღეში 10 სერიაზე ავდიოდი.

საილერის ისტორია კი ასეთი იყო – გაბრიელ გრეი, რომელიც მესაათის ოჯახში გაჩნდა, ყოველთვის იყო დარწმუნებული, რომ რაღაც უნარი გააჩნდა და არ იყო ჩვეულებრივი და სხვების მსგავსი. მან მიაგნო პროფესორ სურეშს, რომელიც ასეთ ფენომენს იკვლევდა და არწმუნებდა თავის შესაძლებლობებში, მაგრამ არაფერი გამოუვიდა. ამის მერე ის შეხვდა ადამიანს, რომელსაც ნივთების გადაადგილება მზერით შეეძლო და მოკლა. ეს ძალა მას გადაეცა.

როცა დაინახა, რომ შეეძლო ასე ძალიან ბევრი უნარი შეეძინა, მოიშორა პროფესორი სურეში, რომლის შვილი მოჰინდერი (საყვარელი ინდუსი) მთავარ როლშია სერიალში და მამის სიკვდილს იძიებს, და ახლა ყველა განსხვავებულ ადამიანზე დაიწყო ნადირობა. ერთ ბარში როცა ჰკითხეს რა ერქვა, დახედა საათს, სადაც დაინახა წარწერა საილერი და ასე შეიქმნა ერთ-ერთი villain-ი ტელე-შოუების ისტორიაში.

ერთადერთი რომანი, რომელიც საილერსა და ასევე უნარის მქონე ელეს შორის იყო, ცუდად დამთავრდა. ელეს როლს კრისტენ ბელი ასრულებდა.

ეს წყვილი ბევრჯერ შენიშნეს რესტორნებში და ბარებში ძალიან მხიარულად რომ ატარებდნენ დროს, მაგრამ რეალური რომანი მაინც არ შედგა.

საილერის მთავარი მოწინააღმდეგე პიტერ პეტრელია, რომლის როლსაც მილო ვენტიმიგლია ასრულებს. ესეც მათი ძალიან შთამბეჭდავი ბრძოლები:

ჩემი უუუუსაყვარლესი სიმღერით:

ესეც გმირების ძალიან ნიჭიერი და კარგად შერჩეული ქასთი:

ისე მომენატრა, ლამისაა დავჯდე და თავიდან ვუყურო, მიყვარს 😦

სუპერ ქასთინგები

ამერიკაში ყველაზე პოპულარული მუსიკალური კონკურსი ნელ-ნელა სტარს იღებს. დამთავრდა შესარჩევი ეტაპები. ჟიურიში პირველად არიან ჯენიფერ ლოპესი და სტივენ ტაილერი, აეროსმიტის სოლისტი. რენდი ჯექსონი უცვლელ წევრად რჩება უკვე მეათე წელია. წელს ძალიან კარგი მონაწილეები ჰყავდათ, მაგრამ ეს სამი ყველაზე მეტად დამამახსოვრდა. კეისი აბრამსი ტეხასიდან. 19 წლის კეისის საყვარელი ჟანრი ჯაზი და ბლიუზია. დღის ბოლო მონაწილე იყო, ჟიურის წევრები უკვე დაღლილები იყვნენ და ეძინებოდათ, მაგრამ კეისიმ მოახერხა მათთვის ხასიათის გამოკეთება და ტაილერი და ჯენიფერი ააცეკვა კიდეც.

15 წლის ლოურენ ალაინა, რომელმაც სტივენთან ერთად მისი ცნობილი ჰიტი იმღერა და ჟიურის წევრები მოხიბლა.

და ბოლოს ჩემი ფავორიტი, ადამიანი, ვისაც მერვე სეზონის მერე ველოდებოდი, მეორე ადამ ლამბერტს ძლიერი როკ ხმით, ჯეიმს დურბინი, ხმა, რომელიც არ უნდა გამოტოვოთ.

ნიკიტა საქართველოში

ნიკიტას ახალი ვერსიის მე-13 სერიაში სასიამოვნო სიურპრიზი დამხვდა. ერთ-ერთი ყველაზე ძვირადღირებული შოუს და პოპულარული არხის CW-ს შემქმნელებს გაახსენდათ მსოფლიო რუკაზე არსებული სახელმწიფო საქართველო და ერთი სერიაც ჩვენ მოგვიძღვნეს.

ნიკიტას რიმეიქში შინაარსი ასეთია – ნიკიტა, რომელსაც მისი შეყვარებული, დანიელ მონრო მოუკლეს, ცდილობს იმ ორგანიზაციის განადგურებას, სადაც თვითონ მუშაობდა, ანუ ფაქტიურად შინაარსობრივად გრძელდება წინა ნიკიტა. პერსი და მაიკლი მის საპირისპირო მხარეს არიან. ნიკიტას თავისი ჯაშუში, ალექსი ჰყავს ორგანიზაციაში შეგზავნილი, 19 წლის გოგო, რომელიც უკვე აგენტად გადაიყვანეს. მისი წყალობით ყველაფერი იცის და ორგანიზაციას ყველა საქმეს უშლის.

ამ შემთხვევაში ორგანიზაციამ მიიღო დაკვეთა საქართველოს პრინცის, ერიკის მკვლელობის. ერიკმა ცოლად შეირთო ასევე სამეფო გვარის პრინცესა, კრისტინა და სურდათ საქართველოში კონსტიტუციური მონარქიის აღდგენა.

პრინცს და პრინცესას ბაგრატიონის ძვირფასი სამკაულები ჰქონდათ ჩამოტანილი ამერიკაში და აქვე იმართებოდა წვეულება. სწორედ ამ წვეულებაზე უნდა მოეხდინათ პრინცის ლიკვიდაცია.

დარბაზში საქართველოს გერბები, სხვადასხვა ქართული ელემენტები, ყანწები, ხმლები იყო გამოფენილი.

ნიკიტა მოდის ამ წვეულებაზე და პრინცესას აფრთხილებს, რომ პრინცის მოკვლა უნდათ, მაგრამ ირკვევა, რომ ეს სწორედ პრინცესას დაკვეთაა და თავის გენერალ ზაჰიდოვთან ერთად  ტახტის ხელში ჩაგდება უნდა. ესეც ზაჰიდოვის არარსებული მონაცემები:

საინტერესოა, რომ ზაჰიდოვი მხედრიონის დამაარსებელ ჯაბა იოსელიანის პირადი დაცვის წევრი იყო 🙂 კარგად უშრომიათ სცენარისტებს 🙂

პრინცესა ნიკიტას გათიშავს, მაგრამ იმ დროს, როცა პრინცი სიტყვით გამოდის და უნდა ესროლონ, გადაარჩენს და დიდ დარბაზში იმალებიან. ამ დროს შთამბეჭდავი ბრძოლა მიდის ქართული ხმლებით.

პრინცი ძალიან დადებით და კარგ ადამიანად არის გამოყვანილი. კრისტინა არ აინტერესებს, თავის მდივანზეა შეყვარებული, მაგრამ სამშობლოსთვის მსხვერპლი გაიღო და ცოლად პრინცესა მოიყვანა. თან ექიმია, ნიკიტას ფეხზე ნაკერებს დაადებს 🙂 მსახიობიც ძალიან საყვარელია, ჯეიმს გილბერტი, ტიუდორებიდან მახსოვს.

რაც შეეხება მოღალატე პრინცესას, 2012, dark knight, ერთი სიტყვით ძალიან ნაცნობი სახე აქვს.

ბოლოს მაიკლი მოვა და თავს ფედერალურ ბიუროს წევრად გაასაღებს. ნიკიტა მოასწრებს პრინცის და მისი მდივნის გადარჩენას და პირისპირ აღმოჩნდება მაიკლთან, მაგრამ როგორც 13-ვე სერიაში, მაიკლი გაუშვებს 🙂 ნუ ასე პირდაპირ არა, მაგრამ შანსი როცა აქვს ან მოკვლის ან დაჭერის, ყოველთვის თავს იკავებს. რაღაც ძალიან მომწონს შეინ ვესტი მაიკლის როლზე, თან რაღაცნაირი ბოროტი სახე აქვს 🙂 შეინი ყველას იმ გულიამაჩუყებელი და ცრემლებსაღვარღვარებელი კინოდან ახსოვს, “a walk to remember” მენდი მურთან ერთად.

სხვათაშორის რამდენიმე ქართული ფრაზაც იყო გამოყენებული ” საქართველო პატრიოტი” და “რისთვის აკეთებ ამას?” მაგრამ ისე იყო დამახინჯებული, ათასჯერ გადავახვიე, რომ გამეგო.

ეს ვისაც ზუსტად ეს სერია აინტერესებს გადმოწერა

star-crossed lovers 16+

ჩემი ყველა დროის ფავორიტი წყვილის  ჩემს მიერ ამოჭრილი სცენები მეექვსე სეზონიდან.

კაცი, რომელიც იყო მკვლელი, ბოროტი, უგრძნობი და ცივი,  შეცვალა სიყვარულმა. მტრები, რომლების ზიზღიც სიყვარულში გადაიზარდა – ბაფი და სპაიკი.

ძალიან ბევრი ვიწვალე ამ ვიდეოზე, ნორმალური ჯოინერი ვერ ვნახე, თავისი ტიტრები დამიდო, ზოგგან ორიგინალი ტიტრებია შეყოლილი და რუსული გახმოვანებითაა, მაგრამ ღირს ამათ.

+16 კი იმიტომ, რომ ბევრი სექს სცენაა, მაგრამ ისეთი არაფერია, ნანახი რომ არ გქონდეთ, თანაც ამ სერიალს ასაკის ლიმიტი არ ჰქონია, ასე რომ არაუშავს.

ესეც ასე, star-crossed lovers – buffy sommers & spike (william bloody)

როდის მოვასწარი?!

მართლა გულით მიკვირს როდის მოვასწარი, პირველ კურსამდე კომპიუტერი არ მღირსებია, არც უსაქმური ვყოფილვარ, ვსწავლობდი, მეგობრებთან დავდიოდი, შეყვარებულთან ერთად ვსეირნობდი, მაგრამ სერიალებისთვის დრო ყოველთვის მრჩებოდა.

ახლა რომ გავიხსენე, ძალიან ბევრი მაქვს ნანახი, რამდენიმე ათეული აღარც კი მახსოვს. მტვერსასრუტივით ვისრუტავ სერიებს.

ეს სერიალები რამდენიმე კატეგორიად იყოფა. მაგალითად დავიწყოთ ვამპირებზე გადაღებული სერიალებით.

the vampires

1. true blood

ეს სერიალი სრულიად შემთხვევით ვიპოვნე, მაშინ არ იყო ასეთი პოპულარული, პირველი სეზონი ახალი დამთავრებული იყო. პირველი სერია არ მომეწონა და როგორც მერე ფორუმებზე წავიკითხე, უმრავლესობამ პირველი სერიის მერე შეწყვიტა ყურება, მაგრამ კიდევ კარგი გავაგრძელე, სულ მალე ჩემს ფავორიტ სერიალად იქცა.

HBO – ს აქვს თავისი დამახასიათებელი ხელწერა სერიალებში, დაახლოებით იგივე აურა აქვს six feet under – ს. უცენზურო, სისხლიანი, ბევრი სექს-სცენით, მათ შორის გეი, რაღაც განსხვავებული, რომელიც ვამპირი ბიჭის და გოგოს ბანალურ სიყვარულის ისტორიას არ ეხება. ერიკიც თავიდან არ მომწონდა, მაგრამ თმები მოკლედ რომ შეიჭრა, მერე “აღმოვაჩინე” 🙂 ანამ და სტივენმა ვერ გაუძლეს ამდენ სექსს სერიალში და ნამდვილ ცხოვრებაშიც გააგრძელეს 🙂 ეს სერიალების მთავარი სენია, როცა მთავარ გმირებს ერთმანეთი უყვარდებათ, მაგრამ აქ საქმე ქორწინებამდე მივიდა, ასე რომ true blood-ი  true love -ად იქცა.

2. the vampire diaries

რომ ვთქვა ამ სერიალის დიდი ფანი ვარ-თქო, მოგატყუებთ, მაგრამ სიამოვნებით ვუყურებ ხოლმე. ახალი აქაც არაფერია, მაგრამ საინტერესო პერსონაჟები და ინტრიგები ყურებადს ხდის.  ამის ყურება როცა დავიწყე, სულ 5 სერია იყო გადაღებული და დავიტანჯე, სულ თითო-თითო სერიას ველოდები ხოლმე. არადა მიყვარს უკვე დამთავრებული სეზონები, ერთიანად რომ უყურებ.

3. Buffy the Vampire Slayer

გამომდინარე იქიდან, რომ ერთ-ერთი პირველი სერიალი იყო ვამპირებზე, სანამ ედვარდები და სტეფანები გამოჩნდებოდნენ, მის ბანალურობაზე ვერ ვილაპარაკებთ, აქ ყველაფერი ორიგინალური იყო 🙂 სრულიად შემთხვევით დავიწყე ყურება, ბევრჯერ მქონდა გაგებული სარას ცნობილი როლი ბაფიში, მაგრამ სულ სხვა წარმოდგენა მქონდა ამ სერიალზე.

დავიწყე და დავიწყე და ვეღარ მოვრჩი, ვუყურებდი დღე და ღამე, ვუყურებდი 24 საათი, მეც იმათთან ერთად ვცხოვრობდი,  ქსანდერთან, ბაფისთან და ვილოუსთან ერთად ვიკეტებოდი ბიბლიოთეკაში და სხვადასხვა მისტიური არსებების შესახებ ვიქექებოდი ძველ წიგნებში. მერე რა რომ ეფექტები ცოტა მოუსუსტებდა და რეზინის მონსტრები დადიოდნენ, ჩემთვის ასეთი მეორე სერიალი ვამპირებზე მაინც არ იარსებებს.

მერე გამოჩნდა უბოროტესი და უსაყვარლესი არსება თეთრი თმებით და ბრიტანული აქცენტით, აი მერე კი ყურებამდე შეყვარებული ვიყავი სპაიკზე. ანჯელი ზედმეტად რომანტიული მეჩვენებოდა, მაგრამ სპაიკის და ბაფის დიალოგებზე ცუდად ვხდებოდი სიცილით.

მეშვიდე სეზონის ბოლოს ძალიან დამწყდა გული.

4.  angel

ენჯელს იმხელა გავლენა არ ჰქონია, როგორც ბაფის, მაგრამ მის 5 სეზონსაც ინტერესით ვუყურე, მით უმეტეს ვიცოდი, რომ ბოლო სეზონში სპაიკი დაბრუნდებოდა.

5.  moonlight

ლიკას აღმოჩენილი სერიალი, სიბიესის პროექტი, რომელიც ერთ სეზონზე შეჩერდა და რატომ არ მესმის, 17 სერიას ორი დღეში ვუყურე. სუპერ ეფექტებით, ძალიან მაღალი ხარისხის, საინტერესო და დინამიური სერიალი ვამპირებზე.

გადავიდეთ შემდეგ ჟანრზე.

sci-fi – horror

1. flash forward

დედამიწის მოსახლეობა 1 წუთით და 17 წამით გაითიშება, მოხდება უდიდესი კატასტროფები, ჩამოვარდება თვითმფინავები, დაინგრევა ქალაქები. ისინი ამ დროის განმავლობაში ნახავენ მომავალს, ანუ რა მოხდება რამდენიმე თვის მერე ამ დროს.

მთავარი პერსონაჟი FBIის აგენტია, რომელიც ფლეშფორვარდში ნახავს, რომ ამ საქმეს იძიებს, კედელზე უამრავი მინიშნება აქვს გაკრული და ამ დროს შენობაში ნიღბიანი მამაკაცები მის მოსაკლავად შემოვლენ. აგენტმა ყველაფერი უნდა გააკეთოს, რომ ეს თავიდან აიცილოს.

დეტროიტის ერთ მოედანზე ჩანაწერებში ნახავენ, რომ როცა ყველა გაითიშება, სტადიონიდან შავ პალტოში ჩაცმული მამაკაცი გადის, რომელსაც ხელზე ბეჭედი უკეთია. ის ერთადერთია, რომელიც გონზე იყო.

იმდენად საინტერესოა, რომ სერიიდან სერიამდე ძლივს ითმენ, ბადრიმ, რომელიც არ გიჟდება დიდად ამერიკულ სერიალებზე, ერთ ღამეში უყურა მთელ სეზონს. სამწუხაროდ მეორე სეზონი აღარ დაუგეგმავთ.

2. Heroes

ეს სერიალი დღემდე რჩება ჩემს ნომერ პირველ სერიალად, რასაც არ უნდა ვუყურო. სხვა თუ არაფერი, ზაქარი ამ სერიალში აღმოვაჩინე.

სიუჟეტი იმ ადამიანების ირგვლივ ვითარდება, რომლებიც განსაკუთრებულ ძალას ფლობენ. ისინი დედამიწის ყველა კუთხეში არიან და ნელ-ნელა ერთმანეთს იცნობენ.

ორიგინალური სცენარი, შთამბეჭდავი ეფექტები, ძალიან კარგად შერჩეული ქასთი, და სუპერ ინტრიგა, ისე რომ სულს ვერ მოითქვამ, დღეში ათ სერიას ვუყურებდი, დაზომბებული ვიყავი, ტვინი მტკიოდა, მაგრამ მაინც ვუყურებდი.

იმ პერიოდში ტელეფონი გამიფუჭდა და ძალიან მინდოდა ნოკია 5800, რაც ახლა მაქვს. საღამოს ბადრი მოვიდა და მომიტანა ეს ტელეფონი. ძალიან გამიხარდა, მაგრამ რომ წავიდა, იმის მაგივრად რომ ახალ ტელეფონს ვტაკებოდი და შემესწავლა, ჯერ შუაში გაჩერებული სერია გავაგრძელე და  რომ დამთავრდა, მერე მივუბრუნდი ტელეფონს.

საილერი, ანუ ზაქარი მეშვიდე თუ მერვე სერიაში ჩნდება პირველად, ის სულ სხვანაირი უნარითაა დაჯილდოებული, როცა უნარის მქონე ადამიანს კლავს, მას გადაეცემა ეს ძალა, ასე რომ მკვლელი და ბოროტმოქმედია 🙂

თავიდან ყურადღებას არ ვაქცევდი, კაფეში იჯდა ხოლმე კეპით, სახე არც უჩანდა, მაგრამ მერე ისეთი ამბები დაატრიალა, ისეთი… ერთი წელი უკვე გავიდა რაც დამთავრდა გმირები, მაგრამ დღემდე შეყვარებული ვარ საილერზე, ამის გამო ბადრისთანაც მომსვლია უთანხმოება, ნერვები ეშლება და სულ აგინებს 🙂

აბა როგორ შეიძლება არ მიყვარდეს? თან ასეთ როლში?

 

3. smallville

ამ სერიალის ყველაზე მეტი სერია მაქვს ნანახი სერიალების ისტორიაში, ანუ ახლა მეათე სეზონს ვუყურებ, თან თითო სერიაში 25 მდე სერია იყო, 40 წუთიანები. ეს არის კლარკ კენტის ახალი ისტორია. ძველი სუპერმენი კარგად მახსოვს, რუსთავი 2 ზე გადიოდა და კლარკის როლს დინ ქეინი ასრულებდა, ლიკა ახლაც გიჟდება ამ კაცზე 🙂

კლარკის ისტორია მისი 16 წლის ასაკიდან იწყება, მისი თავგადასავლები, რომანები, სხვადასხვა უცნაურ არსებებთან შეხვედრა, მეგობრობა ლექს ლუთორთან, რომელიც საპირისპიროდ შემოუბრუნდა, ერთი სიტყვით ძალიან სახალისო და საინტერესო სერიალი იყო ამ ჟანრის მოყვარულებისათვის.

4. lost

ლოსტის ორ სეზონს მე და ლიკამ ტელევიზორში ვუყურეთ, მერე მე წლების შემდეგ გავაგრძელე ყურება. ერთადერთი პრობლემა ის იყო, ძალიან ზედმეტად აირია ყველაფერი, სად ფლეშ ფორვარდი იყო და სად ფლეშ ბექი თვითონაც აღარ იცოდნენ, მაგრამ საბოლოო ჯამში ჭკვიანური გადაწყვეტილება მიიღეს და როგორც იქნა დაამთავრეს.

5. kyle_xy

თინეიჯერული საყვარელი ფანტასტიკა ბიჭზე, რომელსაც ჭიპი არ აქვს, ის გენეტიკურად მოდიფიცირებულია და ტვინის 100% იყენებს. მას თავისი ფსიქოლოგის ოჯახი იშვილებს და უამრავი საინტერესო ისტორია გადახდება თავს.

thriller-horror

1. nikita

ნიკიტას ძველი ისტორიის ახალი გაგრძელება, სადაც ნიკიტა თავისი ორგანიზაციიდან არის გამოქცეული, რადგან მისი საქმრო მოკლეს და ებრძვის მათ, მაიკლი კი ნიკიტას საწინააღმდეგო მხარეს აღმოჩნდება. ნიკიტას თავისი ადამიანი ჰყავს შეგზავნილი და მათი ოპერაციების შესახებ ყველაფერი იცის, ასე რომ ყველაფერს უფუჭებთ.

მეგი თავიდან ნიკიტას როლზე არ მომეწონა, მაგრამ მართლა მაგარი ქალია, მაიკლის როლს შონ ოსტინი ასრულებს.

2.  supernatural

ეს სერიალი რომ დაიწყო, მე და ლიკამ მთელი მაქინაციები ჩავატარეთ 🙂 პირველ არხზე გადიოდა პირველი სეზონი და კომპიუტერში ჩემთან პარალელურად მეორე სეზონის ყურება დავიწყეთ, რომ იქაც გვეყურებინა ხოლმე 🙂

პირველი სამი სეზონი იყო ფანტასტიური, ძალიან დიდი გასართობი და დიდი სიამოვნება. ვინჩესტერების დიდი ფანები ვიყავით, მერე ბლუფერები გვქონდა გადმოწერილი და იმდენს ვიცინოდით, ცუდად ვხდებოდით, დღემდე მაქვს ეს ბლუფერები ტეელფონში შენახული. მეოთხე სეზონსაც არაუშავდა, ლიკამ კასტიელზე დააფანატა თან, სულ მიშა მიშაო გაიძახოდა, და აი მეხუთე და ახლა მეექვსე სეზონს უკვე ინერციით ვუყურებ, ტემპი აშკარად დავარდა.

3. Pretty Little Liars

გუშინ მოვრჩი პირველი სეზონის 15 სერიას, ახალი სერიალია, ძალიან მომეწონა.

სიუჟეტი ეხება ხუთი სკოლის მოსწავლე გოგოს, რომლებიც განუყრელი მეგობრები იყვნე. ერთი წლის წინ მათი ერთ-ერთი მეგობარი, ალისონი საიდუმლოებით მოცულ გარემოში დაიკარგა, ერთი წლის შემდეგ კი მისი გვამი იპოვეს. გოგონებს ტელეფონზე მოსდით შეტყობინებები ალისონის სახელით, სადაც ისეთი რაღაცეები წერია, რომელიც მარტო მან იცოდა.

ქალაქში კიდევ რამდენიმე ისეთიადამიანი ჩამოვა, რომლებსაც საფუძველი აქვთ გოგონებს სამაგიერო გადაუხადონ, მაგრამ ჯერ კიდევ ვერ გაურკვევიათ ვინ არის მესიჯების ავტორი.

დანარჩენი სერიალები, რომლებზეც პრივიუები გაკეთებული მაქვს:

chuck – 4 season

desperate housewives – 7 season

one tree hill – 7 season

Queer As Folk – 5 season

sex and the city – 6 season

The-OC – 4 season

glee – 2 season

Gossip Girl – 4 season

ugly betty – 4 season

house m.d – 6 season

legend of the seeker – 2 season

reaper – 2 season

greys anatomy – 6 season

და კიდევ ღმერთმა უწყის , ეს რაც მახსოვს ისინია. ეს მიმდინარე სერიალები ხომ მკლავს, რომ არ დამავიწყდეს რომელ სერიაზე ვარ გაჩერებული, დესკპოტზე ტექს დოკუმენტი მაქვს გაკთებული

gossip girl 12
glee 10
the vampire diaries 12
supernatural 11
desperate housewives 10
nikita 11
house m.d 8
one tree hill 7-17
family guy 7
smallville 11
chuck 11
pretty little liars 15
grey’s anatomy 11

მართლა, როდის მოვასწარი?