YAHOO-ს ათი ყველაზე სულელური შეკითხვა +16

ადამიანს ფანტაზიის უნარი უსაზღვროდ აქვს, მაგრამ სამწუხაროდ არა ინტელექტი. ძირითადად იაჰუში დასმული ათი ყველაზე სასაცილო და სულელური, ზოგი კი ძალიან უცნაური შეკითხვა.

1. ჩემი ცოლი აპირებს რომ შეჭამოს თავისი საკუთარი პლაცენტა. ახლა ის 32 კვირის ორსულია და ინტერნეტში ნახა, რომ პლაცენტის მიღებით გაუმკლავდება პოსტმშობიარობის დეპრესიას. როგორ ფიქრობთ, ეს ნორმალურია, თუკი ჩვენ ვეგეტარიანელები ვართ? პლაცენტა ხომ მაინც ხორცად ითვლება.

2. დამეხმარეთ მოვძებნო ძალიან პოპულარული ტექნო სიმღერა! ყველა კლუბში და რადიოში ეს სიმღერა ისმის, დაახლოებით ასე ჟღერს:
დუმ დუმ დუმ
ერ
დუმ დუმ დუმ დუმ
ერ ერ ერე რე რე
დუნ დუნ დუუნ დუნ

3. სანამ ორსულად დავრჩებოდი, ვიცოდი რომ ტყუპები მეყოლებოდა და ოთახები წინასწარ გავაკეთე ბავშვებისთვის, ორივე ოთახი გოგოს ფერებშია შეღებილი, ახლა გავიგე, რომ გოგოს და ბიჭს ველოდები და მაინტერესებს, შეიძლება თუ არა მხოლოდ ბიჭის მოშორება? ოთახები ვარდისფერებია და ყვავილებით მოხატული, ბიჭს ნამდვილად არ ესიამოვნება ამ ოთახში ყოფნა, ასე რომ მირჩევნია მხოლოდ გოგო შევინარჩუნო.

4. მართალია თუ არა რომ თუ აზიელ ქალთან წვები, პრეზერვატივი არ გჭირდება, რადგან ჩვენი დეენემი შეუთავსებელია და ის ორსულად არ დარჩება?

5. მართალია თუ არა, რომ ორსულად ყოფნის დროს სექსის თუ მექნება, შეიძლება ჩემი მუცლადმყოფი ბავშვი დაორსულდეს თუ ის მდედრობითი სქესის იქნება?

6.შეიძლება ჩემი წინდა გამოვიყენო, როგორც პრეზერვატივი, სექსის დროს?

7.  კითხვა მამაკაცებს: როდესმე დაგილევიათ მენსტრუაციული სისხლი? ამბობენ, რომ ის სიცოცხლის ელექსირია.

8. მე და ჩემი გერლფრენდი ერთად ვართ უკვე ერთი თვეა და ის მეუბნება, რომ ოთხი თვის ორსულია. შეიძლება ჩემი სპერმა ასეთი ძლიერმოქმედი ყოფილიყო?

ბავშვი შენი არ არის გენიოსო.

9. რა ასაკში ეწყებათ ბიჭებს მენსტრუაცია? მე ჯერ არ დამწყებია და ძალიან ვნერვიულობ.

კაცებს ძირითად ოთხ წელიწადში ერთხელ უდგებათ ეს პერიოდი, როცა სულ აფორიაქებულები არიან, ნორმალურად არ გელაპარაკებიან და სულ სახლში, ტელევიზორთან უნდათ ყოფნა. ამ მოვლენას მსოფლიო ჩემპიონატი ჰქვია ფეხბურთში 🙂

10. უცნაურია, რომ ყოველთვის, როცა მოსაშარდად შევიდივარ, ჩემი ძაღლი უკან მომყვება და თავისი დიდი, ყავისფერი თვალებით აკვირდება ჩემს პენისს?
უცნაური ის არის, რატომ არ კეტავ კარებს, როცა სააბაზანოში შედიხარ.

part I –

https://qameleoni.wordpress.com/2011/05/07/დღეში-30-ორგაზმი-და-მშობლებ/

ცეკვავენ ვარსკვლავები???

სულ ცოტა ხნის წინ დაიწყო ახალი ქართული პოექტი “ცეკვავენ ვარსკვლავები”. ვინც არ იცის გეტყვით, რომ ეს არის ცნობილი საცეკვაო შოუს, ამერიკული “dancing witht he stars”-ის ქართული ანალოგი. ორიგინალი პროექტი ეკუთვნის ბიბისის, რომლის სახელწოდებაც იყო  “Strictly Come Dancing” და რომლის კოპირებაც 40-მდე ქვეყანამ მოახდინა, თანაც საკმაოდ წარმატებითაც.

სიმართლე ითქვას ცეკვის კონკურსებიდან ყველაზე ნაკლებად ამ პროექტის ვწყალობდი, არის კიდევ რამდენიმე ძალიან კარგი შოუ, მაგალითად “so you think you can dance” საიდანაც ხშირად ვდებ ხოლმე ბლოგზე ვიდეოებს და  “step it up and dance”.

“ცეკვავენ ვარსკვლავები” ამ პროექტებისგან იმით განსხვავდება, რომ აქ მონაწილეობას უკვე ცნობილი ადამიანები იღებენ, წინა ორ შოუში კი უცნობი ადამიანები მიდიან, ზოგს საერთოდ გამოცდილებაც არ აქვს.

ახლა რაც შეეხება ქართულ პროექტს. პილოტს, ანუ პირველ გადაცემას არ შევეხები, გასაგებია, რომ პირველი იყო, ამიტომ განვიხილავ მეორე გადაცემას.

რითი დავიწყო არც ვიცი.  მოდით დავიწყოთ ვარსკვლავებით. ამ 12 წყვილიდან რამდენია აქედან ვარსკვლავი, რა თქმა უნდა ესეც საკითხავია, მაგრამ ისიც გასათვალისწინებელია, რომ სავარაუდოდ ბევრი არ დათანხმდა ამ პროექტში მონაწილეობაზე.

წამყვანები: კახა კინწურაშვილის მიმართ ყოველთვის დადებითად ვიყავი განწყობილი და პრინციპში წამყვანის ამპლუაშიც არა უშავს. კაბუ საერთოდ ერთი დიდი გაუგებრობაა, ლაპარაკობს საშინელი დაყენებული ხმით, თითქოს რობოტი იყოს, ხშირად ეშლება ტექსტი და იბნევა, რამდენიმეჯერ იმეორებს ერთი და იგივე სიტყვას პაუზის დასაფარად. რუსკასგან უკეთესს მოველოდი რატომღაც, მაგრამ ძალიან თეატრალურია, ტუჩებს ზედმეტად მანჭავს და მასაც ხშირად ერევა ტექსტი.

ზოგადად ორგანიზაციული და ტექნიკური საკითხები ძალიან მოუმზადებელია,  როცა უნდათ, რომ ეკრანზე გამოჩნდეს რეიტინგის ტაბლო, არაფერიც არ ჩანს, წამყვანები უხერხულად ახველებენ და უარესად იბნევიან. რეკლამაზე გასვლისას, როცა ჰგონიათ, რომ უკვე გასულები არიან, ისმის მათი რეპლიკები “ეს მომაშორე” ან მსგავსი.

გადავიდეთ ოპერატორის ნამუშევარზე. ეს არის სრული კატასტროფა. საშინელი მბრუნავი და აყირავებადი კადრები, კისერი მომეღრიცა, თვალები მეტკინა, ნერვები მომეშალა და ა.შ თუმცა რამდენიმე პატარა ვიზუალური ეფექტი მომეწონა, როგორიც იყო ზევიდან ფანტელების ჩამოცვენა, ე.წ ბრჭყვიალა ქაღალდების ჩამოყრა და ა.შ

ბენდზე და ცოცხალ მუსიკაზეც რომ არ ვთქვა ორიოდე სიტყვა უბრალოდ არ შემიძლია. არ ვიცი რატომ ხდება ასე, მაგრამ 90% შესრულებების სასტიკად არ მომეწონა, ზოგი კი ისე, რომ ცეკვას ვეღარ ვაქცევდი უკვე ყურადღებას. მგონი ჯობდა ისევ ცოცხალი შესრულების გარეშე ეცეკვათ, ალბათ მათთვისაც ასე უფრო ადვილი იქნებოდა.

ერთი სიტყვით, თუ არ გაქვთ ნანახი, უყურეთ ჩანაწერს და თვითონ განსაჯეთ, შეიძლება ზედმეტად ბევრს ვითხოვ, მაგრამ მინდა ყველაფერი ძალიან კარგი იყოს.

ეს ჩემო ყველა დროის ფავორიტი შესრულებაა შოუდან ” “so you think you can dance”, რომელმაც ემის ჯილდო მოუტანა პროექტს.

სადაც მინდა იქ მძინავს

9გაგზე ვნახე პოსტი, სადაც კატებს უცნაურ ადგილებზე სძინავთ. უნდა გითხრათ, რომ არც ჩემი კატაა გამონაკლისი და იძინებს იქ, სადაც გაუხარდება.

 

 

 

 

 

 

 

რა მოხდა ახალ წელს

კარგი ახალი წელი იყო, მხიარული, ფერადი, ნაირ-ნაირი ნიღბებით, ხელოვნური თოვლით და ბევრი სურათებით.

დავიწყოთ იმით, რომ სრულიად მოულოდნელად 30-ში თავზე დამადგა ჩემი 3 წლის უნახავი მეგობარი, დიანა. ახალ წელს ჩვენთან შეხვდა და ძალიან კარგი დრო ვატარეთ. 31-ში საახალწლო შოპინგი მოვაწყეთ და განწყობის შესაქმნელად ესენი ვიყიდეთ:

ტეხასური ჰოლდემი

აზარტული თამაშების განსაკუთრებული მოყვარული არასდროს ვყოფილვარ, არც მაქვს გამოცდილება, თუ არ ჩავთვლით იმას, რომ 4 წლის წინ ბადრიმ შემიყვანა სათამაშო აპარატებში, სადაც ათი ლარი მოვიგეთ და მერე იმ ფულით ბანანის ღვეზელები ვიყიდეთ.

აი ბადრის კი ძალიან უყვარს ასეთი გასართობები, განსაკუთრებით პოკერის თამაში. ადრე, ძველ ტელეფონში იყო ჩატვირთული ტეხასური ჰოლდემი და როცა მელოდებოდა, ან გამოცდაზე ვიყავი შესული, ყოველთვის თამაშობდა და მე რა თქმა უნდა არაფერი მესმოდა უაზრო კომბინაციების.

დაახლოებით ერთი წელია უკეთესად გავიგე წესები და სხვას არაფერს ვაკეთებდი იმის გარდა, რომ ვუყურებდი თამაშს, მაგრამ ისევ არ მესმოდა ბოლომდე ყველაფერი. სამაგიეროდ ვხედავდი როგორ იგებდა 1 ლარიდან 140 ლარს. ხანდახან აგებდა კიდეც, მაგრამ 5 ლარზე მეტი არასდროს ჩაურთავს.

ახლა, ამ ბოლო დროს ჯერ ფეისბუქზე დავიწყე დავიწყე თამაში, უკვე იმდენჯერ მქონდა თამაში ნანახი, რომ აღარ გამჭირვებია, მერე პოკერსტარზე ტურნირებს შევყევი ვირტუალურ ფულზე და აღმოვაჩინე, რომ ფინალურ მაგიდაზე ადვილად გავდიოდი. ნელ-ნელა ყველაფერი გავიგე და ჩემი ტაქტიკაც ავირჩიე. ჯერჯერობით ვირტუალურ ფულზე ვთამაშობ.   ახლა უაზრო კომბინაციებად აღარ მეჩვენება, პირიქით, ძალიან შემყოლი და სახალისო თამაშია.

ცნობილები, პოპულარულები და… ჰომოსექსუალები

ათი მსახიობი, რომელიც თავის სექსუალურ ორიენტაციას არ მალავს:

10. რუპერტ ევერეტი:

ბრიტანელი მსახიობი, მისი ორიენტაციის შესახებ ჰოლივუდში უკვე კარგა ხანია ცნობილია.

9. ჯესი ტაილერ ფერგიუსონი

მოდერნ ფემილის ვარსკვლავი ჯესი, რომელიც სერიალშიც გეის როლს ასრულებს.

8. ჯონ გლოვერი

სმოლვილის ერთ-ერთი გამორჩეული სახე, ლაიონელ ლუთერი და “გმირებში” საილერის მამის როლის შემსრულებელი.

7.   იან მაკკელენი

ბეჭდების მბრძანებლის და იქს ადამიანების მსახიობი.

6. ტი ერ რაითი

გრეის ანატომიის ექიმი, სადაც ქალებს მასზე წყვეტა ჰქონდათ, ის კი სინამდვილეში გეია.

5. ტომ ლენკი

ტრანსფორმერების და ბაფის მსახიობი, ტომ ლენკი

4. ჯიმ პარსონსი

ბიგ ბენგ თეორიის ვარსკვლავი.

3. ნეილ პატრიკ ჰარისი

ჰიმიმ-ის ვარსკვლავი ნეილი, რომელიცს სერიალში ვუმენაიზერის როლს ასრულებს, სინამდვილეში გეია.

2. ჯონ ბაროუმენი

ჩემი ჩემი ჩემი ❤ ❤ ❤ კაპიტანი ჰარკნესი, რომელზეც უზომოდ ვარ შეყვარებული, ტორჩვუდშიც არატრადიციული ორიენტაცია აქვს და სექს სცენებიცაა უხვად მამაკაცებთან 🙂

1. ზაქარი კინტო (სამწუხაროდ)

ამ კაცზე ცხოვრებისეული ქრაში მაქვს და მოულოდნელად ადგა და განაცხადა, რომ გეია და გული დამწყვიტა 😦 იმიტომ არასდროს არ გამიგია მისი რომანების შესახებ.

ესეც ასე.

ჰგავს? ჰგავს :)

მსახიობები, რომლებიც ერთმანეთს ჰგვანან, ჩემი აზრით:

ჯეფრი დინ მორგანი

 

ხავიერ ბარდემი

როცა ზებუნებრივში ჯეფრი გამოჩნდა, ლიკა ღრმად იყო დარწმუნებული და ისე გაიძახოდა ხავიერიაო, რომ მეც დავიჯერე, სანამ არ დაეწერა მისი სახელი და გვარი. მართლა ძალიან გვანან, მაგრამ ჯეფრი უფრო მესიმპათიურება.

ეთან ჰოუკი

მარკ მაკგრანტი

შუგარ რეის სოლისტი მარკი (შეიძლება გახსოვდეთ შანია ტვეინთან დუეტში ფართი ორისთვის)ამბობს რომ ხშირად ეთანის მაგივრად არიგებს ავტოგრაფებს, ის კი პირიქით.

კორტი კოქსი

დემი მური:

ჰოლივუდის ორი ცნობილი მსახიობი, ორივე მათგანი მსახიობ მამაკაცზე გათხოვილი (დევიდ არკეტი, ეშტონ კაჩერი)

ზაკ ეფრონი:

ჩეის კროუფორდი

ახალგაზრდების ორი საყვარელი მსახიობი.

ჯარედ ლეტო

ჯეიკ ჯილენჰაალი

ორი ჩემი საყვარელი არსება ❤ ❤ ❤

კირა ნაითლი

ნატალი პორტმანი

პრინციპში სხვა არავინ მახსენდება, დანარჩენი თქვენ მითხარით.

უცხოპლანეტელთა ხომალდები დედამიწას მოუახლოვდა

ნასას საჰაერო დაზვერვის ოფიცერმა, რიჩარდ ფრიდრიხმა საგანგაშო სიგნალი გადასცა კაპიტანს. თანამგზავრების გადაღებულ სურათზე მკაფიოდ ჩანდა სამი ობიექტი, რომლებსაც დედამიწისკენ ჰქონდათ გეზი აღებული.

_ თუ ჩვენი გამოთვლები არ ტყუის სერ, 6 დეკემბერს ისინი უკვე დედამიწაზე იქნებიან – უთხრა რიჩარდმა კაპიტანს.

– მდა… – ჩაფიქრდა კაპიტანი – ესე იგი ძალიან ცოტა დრო დაგვრჩა. ის ჰამბურგერი უნდა შემეჭამა.

ნასამ განგაში გამოაცხადა და ლანჩზე წავიდა.

ამასობაში გახარებული უცხოპლანეტელები ხომალდზე ზეიმობდნენ და  შამპანურს შამპანურზე ხსნიდნენ.

– გილოცავთ მეგობრებო, ჩვენ გავასწარით კომეტას, რომელიც დედამიწას უნდა შეჯახებოდა 2012 წელს, ასე რომ პირველები ჩვენ იქ მივალთ!

ფანჯრიდან ჩანდა უკან ჩამოტოვებული გაბრაზებული კომეტა.

– სად დავჯდეთ, სად–ო – ბევრი იფიქრეს თუ ცოტა, თვალში მშვიდობის ხიდი მოხვდათ და აქეთ წამოვიდნენ.

რამდენიმე დღეში საქართველოს მოსახლეობამ დაინახა მოახლოებული სამი ობიექტი და ქვების სროლა დაუწყო, მაგრამ ობიექტები არ ირხეოდნენ. მობილურებით შეიარაღებული ხალხი ვიდეოებს იღებდა და მერე იუთუბზე დებდა. რამდენიმე ცნობისმოყვარე ზედ აახოხდა კიდეც, მაგრამ დენმა დაარტყათ და უკან გადმოცვივდნენ.

– არ დაიჯეროთ უცხოპლანეტელების არსებობის, ეს მთავრობის მიერ მოწყობილი პროვოკაცია – გაჰკიოდა ქართული ოპოზიცია.

ამასობაში უცხოპლანეტელები დედამიწის შესახებ ინფორმაციას ეცნობოდნენ და ლედი გაგას უსმენდნენ, რომელიც ძალიან მოეწონათ და რაღაც გულთან ახლოს მოვიდაო, თქვეს.

როგორც იქნა გადაწყვიტეს თეფშიდან გადმოსვლა და მორიდებით შეათვალიერეს გარემო.

ამ დროს მოიჭრა სააკაშვილი ყვირილით , მე თქვენ ხინკალი როგორ არ უნდა გაჭამოთო და წაიყვანა რესტორანში. მეორე დღეს ყველა საინფორმაციო არხზე ტრიალებდა კადრები, როგორ ცეკვავდნენ უცხოპლანეტელები შალახოს და როგორ ჭამდნენ ხინკლის კუჭებს.

მეორე დღეს მათ დაათვალიერეს ქართული ღირსშესანიშნაობები და მოინახულეს პრეზიდენტის რეზიდენცია, სადაც თვით შერონ სტოუნი იყო ნამყოფი. ეს ჩვენთვის დიდი პატივიაო – განაცხადეს მათ და მწვანე სითხე გამოუშვეს.

გაჩაღდა რამდენიმე მხურვალე რომანი ქართველ გოგონას და უცხოპლანეტელ ვაჟს შორის. ქართველმა ღიპიანმა მამიკოებმა მთლად არ მოიწონეს სიძეები, მაგრამ სიყვარულს წინ ვერ აღუდგნენ და დალოცეს წყვილი.

რამდენიმე დღის განმავლობაში მოსახლეობა ამჩნევდა უცნაურ მოვლენებს. ქრებოდა მათი სახლიდან ქვაბებით გაკეთებული საჭმელები, განსაკუთრებით სუპები და წვნიანი კერძები. ხანდახან ხრუპუნის ხმაც ესმოდათ.

სამ დღიანი გადაბმული ქეიფის მერე უცხოპლანეტელებმა ის განზრახვა, რომ დედამიწა გაენადგურებინათ და თვითონ დასახლებულიყვნენ აქ, უკუაგდეს და ისევ თავის პლანეტაზე დაბრუნება გადაწყვიტეს, სამაგიეროდ წაიღეს მჭადის ფქვილი და ღვინო შოთას მარნებიდან.

ამის მერე ხალხი კიდევ დიდხანს იხსენებდა უცხოპლანეტელთა ინტერვენციას და  უსმენდა ლედი გაგას.

ლეგენდები ლილოს სუნამოებზე

სუნამო ძალიან მიყვარს და ყოველთვის დიდ ყურადღებას ვაქცევ ხარისხს. ეს ისეთი რამეა, ვერავის მოატყუებ შენი თავის გარდა. ან გაგყვება სუნი დიდხანს, ან არა. ან იაფფასიანი პატენტის სუნი ექნება, ან ორიგინალის. აქედან გამომდინარე ან ვიწერ, ან ვცდილობ ისეთი სუნამოები ვიყიდო, რომლებსაც პატენტები არ აქვთ და მარტო ორიგინალები გამოდის. ასეთია მაგალითად ივ სენ ლორანის “ნუ”

ხშირად მსმენია ლილოს იაფფასიან სუნამოებზე, როგორი უვარგისი და საშინელი სუნი აქვთ, ფასიდან გამომდინარე ეჭვიც არ შემიტანია, რომ ეს ასე იყო, მაგრამ ყოველთვის მაინტერესებდა შემემოწმებინა, რამდენად შეეფერებოდა სინამდვილეს.

ამ დღეებში მომეცა საშუალება ჩემი პატარა ექსპერიმენტის ჩატარების, ცნობისმოყვარეობამ დამძლია და მივედი.

ალბათ იქ რამდენიმე წერტილია, მაგრამ მე რიგებს შორის არაქართველი წარმოშობის ქალი რომ დგას იქ მივედი. არჩევანი დიდი აქვს, მეც ტუჩაბზეკილი ვუყურებ და ვათვალიერებ. მეკითხება რა მინდა. მეც არ ვიცი, ჯერ უბრალოდ ვათვალიერებ.

არმანის კოდს მოვკარი თვალი, ივ სენ ლორანის კაცის სუნამოს, ჰუგო ბოსს, კიდევ რამდენიმე ცნობილ ბრენდს.

– არ ინანებ, წაიღე, კიდევ მოხვალ ჩემთან, რომც იბანაო სუნი მაინც გაგყვება.

კი, კი, ვუქნევ თავს. ლიკა, რომელიც ინფორმირებული არ არის იააფასიანი პატენტების შესახებ გაკვირვებული ეკითხება რატომ ღირს ასეთი იაფი ყველაფერი. მე გულში ირონიულად ვიცინი.

ბოლოს არჩევანს ვერსაჩეს ბრაით კრისტალსა და კრისტალ ნოირს შორის ვაკეთებ, იმიტომ რომ ორივე სუნამოს კარგად ვიცნობ, ორივე მქონია.

შესახედად ზუსტად იგივეა, 100 მილიგრამიანი ტუალეტის წყალი. პერფიუმი არც ორიგინალებში შემხვედრია.

18 ლარს ვიხდი და მოვდივარ სახლში.

ინტერესით ვათვალიერებ შეფუთვას. ამაზონზე იმდენი ვათვალიერე სუნამოები, ზუსტად ვიცი სად რა უნდა ეწეროს. დამზადებულია იტალიაში. ყველაფერი ისე აწერია, როგორც უნდა ეწეროს.

ჰმ, კარგად უმუშავიათ. ვხსნი და ვყნოსავ. პრინციპში სუნიც იგივე აქვს ზუსტად, მაგრამ ეს არაა მთავარი, მთავარია რამდენ ხანს გაჰყვება სუნი. 5 გრამიან ორიგინალს, რომელიც მე მქონდა, რამდენიმე საათი ჰქონდა ძალიან სუსტი არომატი, მაგრამ ამ სუნამოს თვითონ მძაფრი სუნი არ აქვს, ვარდების სუსტი სურნელი დაყვება.

მივისხურე რამდენჯერმე და დავდე თავის ადგილზე. კარგად კი გამოიყურება, იცოცხლე.

ჰოი საოცრებავ, მთელი დღის განმავლობაში ვგრძნობ სურნელს, თანაც საკმაოდ მკაფიოდ. ბადრი მსუნავს – რა კარგი სუნია – მეუბნება – ახლა დაისხი? საქმეც მაგაშია რომ დილით დავისხი.

მოდის საღამო, მივდივართ მეგობრებთან. იქაც ვგრძნობ სუნს. ამოვდივართ სახლში – სუნი ისევ მაქვს. უკვე სუსტი, მაგრამ მაინც იგრძნობა. ჩემს გაკვირვებას საზღვარი არ აქვს.

მე პირადად ვერავითარი განსხვავება ვერ დავინახე მაღაზიებში ორიგინალს, რომელიც 100 ლარზე მეტი ღირს და ლილოში ნაყიდ “პატენტს” შორის, რომელიც 18 ლარი ღირდა. პირიქით, ამას უფრო დიდხანს გაყვა სუნი.

მერე იმაზე ვფიქრობდი, იმ ქალმა რომ მითხრა, ისევ მოხვალო, მგონი ისევ მივალ 🙂

qameleoni.com

როგორც იქნა ჩემი საიტის მისამართს მოვაცილე ვორდპრესი და გახდა უბრალოდ ქამელეონი.ქომ. ამ ფაქტმა ძალიან გამაბედნიერა. დამიჯდა 17 დოლარი და რამდენიმე წუთი.

ესეც პირველი პოსტი ახალი დომეინიდან 🙂