ალტერნატიული რეალობა

რა არის ალტერნატიული რეალობა? უბრალო სიტყვებით რომ ვთქვათ ეს არის რეალობა, რომელიც შეიძლებოდა მომხდარიყო, რომელიც განსხვავებული იქნებოდა ამჟამინდელი მდგომარეობისაგან.

აქ ვაწყდებით პარალელური სამყაროების თეორიას, რომელიც საკმაოდ დიდი პოპულარობით სარგებლობს.  რამდენი პარალელური სამყარო არსებობს? როგორია იქ ჩვენი ალტერნატიული რეალობა?

სრულიად მარტივი მაგალითი: კამათელის გაგორება. თუ აქ დაჯდა მისი რომელიმე ციფრი, მაგალითად ექვსი, პარალელურ სამყაროებში აუცილებლად დაჯდება სხვა ციფრები – ისინი, რომლებიც აქ ვერ მოხვდნენ.

საინტერესოა, რომ პარალელურ სამყაროებს უკავშირებენ გემების და თვითმფრინავების გაუჩინარებას, ბერმუდის სამკუთხედში მომხდარ ამბებს და სხვა უცნაურ ისტორიებს.

როგორც თვითონ სიტყვა გვიჩვენებს პარალელური სამყარო არ შეიძება გადაიკვეთოს, პარალელები ერთმანეთს ვერ კვეთენ, თუმცა არსებობს ერთი პარალელური სამყაროდან მეორეში გადასვლის შემთხვევები, რასაც შავ ხვრელებს, იგივე დროის ნაპრალებს უკავშირებენ.

საინტერესოა “დეჟავიუს” ფაქტი. ამბობენ, რომ როცა პარალელური ცხოვრება ნამდვილ ცხოვრებას დაემთხვევა, მაშინ გიჩნდება ეს შეგრძნება, ანუ ეს პარალელურ სამყაროში უკვე გაკეთებული გაქვს.

საინტერესოა მე რა ბედი მეწეოდა ალტერნატიულ რეალობაში. თუ გამიმართლებდა ახლა ვიქნებოდი ცნობილი მწერალი და ჩემი წიგნები ბესტსელერები იქნებოდა, როცა ახლა უსაქმოდ ვზივარ სახლში და პოსტს ვწერ. იქნებ ახლა იქ დიდ კერძო სახლში ვცხოვრობ, შამპანურით სავსე ჭიქით დავდივარ და  გარდერობში ძვირადღირებული ტანსაცმელი მიკიდია? თუ ასეა უარს არ ვიტყოდი იქითა სამყაროში აღმოჩენაზე.

ამ ფენომენს უამრავი სამეცნიერო და მხატვრული ლიტერატურა მიეძღვნა,  დღესაც სამეცნიერო–ფანტასტიკის ჟანრში განიხილება. ყველას აინტერესებს – რა მოხდებოდა ეს რომ არ გამეკეთებინა? რა იქნებოდა ეს ნაბიჯი რომ არ გადამედგა? იქნებ ახლა ჩემი ცხოვრება სულ სხვანაირი ყოფილიყო?

ამბობენ, რომ ზოგჯერ სიზმარშიც შეიძლება ალტერნატიული რეალობის დანახვა. სპეციალურ საიტზე წერენ, რომ სიზმარში ხედავენ თავის ცხოვრებას, ოღონდ ისეთს არა, როგორიც ახლაა. სიზმარში მათ ჰყავთ სხვა ოჯახი, სხვა სამუშაო, მაგრამ ეს ყველაფერი ძალიან  რეალურია.

ერთი ახალგაზრდა ბიჭი წერს, რომ ის თავის მეგობარ გოგოსთან ერთად პარკში სეირნობდა, როცა ირგვლივ მიმავალი ხალხი გაქრა, მაგრამ მათ მისი მეგობარი მაინც ხედავდა. პარკის ქუჩა იგივე იყო, მაგრამ იქ სხვა, ძველებურ ტანსაცმელში ჩაცმული ხალხი გამოჩნდა, რომლებიც მკაფიოდ არ ჩანდნენ, მაგრამ მათი ხმა ესმოდა, ისინი უცხო ენაზე ლაპარაკობდნენ. ცოტა ხნის მერე ჩვენება გაქრა და ბიჭი რეალურ სამყაროში დაბრუნდა. ის ამტკიცებს, რომ პარალელურ სამყაროში იყო, თანაც წარსულში.

დროში მოგზაურობაც უკავშირდება პარალელურ სამყაროების თეორიას. მცირეოდენი ცვლილებაც კი წარსულში, აწმყოში კატასტროფას იწვევს. ამერიკის რომელიღაც შტატში იპოვნეს სამხედრო ძველებურ ტანსაცმელში ჩაცმული კაცი, რომელიც გონზე მოსვლის მერე ამტკიცებდა, რომ ის წარსულში შეიარაღებულ ძალებში იბრძოდა. რა თქმა უნდა ის ყველამ გიჟად ჩათვალა, მაგრამ არმიის ფორმა, რომელიც ჯარისკაცს ეცვა, უკვე ასწლეულებია აღარ გამოდიოდა.

ფილმები, რომელიც ალტერნატიულ რეალობას და პარალელურ სამყაროებს ეხება.

Alice in Wonderland

The Butterfly Effect

The Chronicles of Narnia

The Imaginarium of Doctor Parnassus

Silent Hill

matrix

back to the future

sliding doors

და კიდევ ძალიან, ძალიან ბევრი, ესენი რაც გამახსენდა.

თქვენი აზრით, თუ დაუშვებთ რომ პარალელური სამყარო არსებობს, ვინ იქნებოდით ამ ალტერნატიულ რეალობაში?

Advertisements

3 thoughts on “ალტერნატიული რეალობა

  1. მე დეჟავიუს შემოტევები ამა თუ იმ მომენტში ძალიან ხშირად და ძლიერად მაქვს. რაც ცოტა არ იყოს შემაწუხებელია. მაგრამ თუ მართლა არსებობს ალტერნატიული რეალობები, ყველა რეალობაში სულ სხვადასხვა ვიღაც ვიქნებოდი აშკარად. პირველში ნამდვილად წარმატებული მწერალი და ჩემი წიგნებიც უპოპულარულესი იქნებოდა, მეორეში ასევე წარმატებული მომღერალი, მესამეში პრინცესა, მეოთხეში ქალღმერთი ან დემონი და რა ვიცი, თუ ერთერთს მაინც ამ ყველაფრიდან რომელიმე ალტერნატიულ რეალობაში განიცდის რომელიმე ლიკა, მაშინ საკუთარი თავის ნამდვილად მშურს იმ რეალობაში 😀

  2. ძალიან საინტერესო თემაა, მეცნიერებიც სერიოზულად ფიქრობენ უკვე პარალელური სამყაროების არსებობაზე. მიჩიო კაკუს ვიდეო დევს იუტუბზე და თარგმნა მინდა, მაგრამ ვერ მოვაბი თავი 🙂

დატოვეთ კომენტარი

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s