ზარი – სულების შურისძიება

ერთი კვირის წინ საშინელი ამბავი გავიგე. ჩემი ახლო მეგობარი, ჯუდი, საშინელ ვითარებაში აღმოაჩინეს გარდაცვლილი. სახლის წინ გაზონებზე თავდაყირა იწვა და ირგვლივ არყის ბოთლები ჰქონდა შემოლაგებული.

დილით მისული ვიყავი მათ ოჯახში. ჯუდის პატარა ძმამ მის ოთახში შემიშვა. რაიმე საეჭვოს დავუწყე ძებნა. ვიპოვნე კიდეც – უცნაური კასეტა გაუგებარი წარწერით.  შეშინებულმა ჩავრთე. უი, არა, ეს ხომ პორნოგრაფიაა.

აი მეორე კასეტაც.

გაურკვეველი კადრები დატრიალდა. მსუქანი კაცი, სამფეხა ძაღლი, კიბე, ქალი, რომელიც თმებს ივარცხნიდა, ბოლოს კი ვიღაცამ ჩაიხითხითა და გაითიშა.

ამ კადრებმა შემაძრწუნა.

გაისმა ტელეფონის ხმა. ჩემი მობილური რეკავდა.

– ალო – ვთქვი გაუბედავად.

– ხხხხხხ – ისმოდა ხრიალი – შენ მოკვდები შვიდ დღეში…

– შვიდ დღეში? – პანიკაში ჩავვარდი მე.

– შვიდ დღეში…

– ანუ პარასკევს?

უცნობი დაფიქრდა.

– 7 დღე ხუთშაბათს უწევს.

– და 8 მარტი სამუშაო დღე არაა, მე არ ჩამეთვლება? ყველა ისვენებს.

– 7 დღე – გამიმეორა დაეჭვებულმა უცნობმა და დააყოლა –  ათ საათზე მოკვდები.

ღმერთო, ნუთუ ეს დასასრულია? საშინელ პანიკაში ჩავვარდი. უნდა გავარკვიო ეს რა კასეტაა, მისი ყურების მერე სიკვდილი რომ გელის.

კასეტა ჩემს მეგობართან წავიღე, რომელიც ტელევიზიაში მუშაობდა და ერკვეოდა ასეთ რაღაცეებში. რამდენიმე კადრი გავაჩერეთ და ადგილი მეცნო. ეს ჩემი სოფლის ჭა იყო.

დავჯექი ჩემს მანქანაზე და გავუყევი გზას.

სანამ ჭის სანახავად წავიდოდი, სახლში შევედი დასასვენებლად და ტელევიზორი ჩავრთე.

“ახლა კი კიდევ ერთხელ ვუყუროთ საიდუმლო ვიდეო– ფირს” გამოაცხადა წამყვანმა და ჩემი ნაპოვნი კასეტა გაუშვა. ამ დროს ტელევიზორი გამოირთო.

ტელევიზორიდან წყალი გადმოვიდა და იქიდან თმებჩამოშვებული გოგო  გადმოვარდა. ძლივს აითრია წელი და ჩემსკენ ხელები გამოიშვირა.

დრო აღარ ითმენდა, გავიქეცი და ჭას მივვარდი. სახურავი გადახდილი იყო. უკან საშინელი გოგო იდგა და  ხელებს მითათუნებდა.

გამბედაობა მოვიკრიბე და ხელი ვკარი. ბავშვი ჭაში ჩავარდა. სახურავი დავახურე და შვებით ამოვისუნთე.

აი ასეთი დაძაბული დღე მქონდა. ახლა ხუთშაბათია, ათი ხდება, იქითა ოთახიდან რაღაც ხმაური ისმის და უნდა წავიდე, დროებით.

Advertisements

4 thoughts on “ზარი – სულების შურისძიება

  1. 😀 ქალი რომ იღლიებს ივარცხნის ის რატომ არ დაწერეეეე? კარგია.ფუ რაღაცნაირი კინოა ამაზრზენი არ მიყვარს მე ეს კინო.

დატოვეთ კომენტარი

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s